7/16/2012 5:19:37 PM

Policia ndalon krismat ne dasma

Rrezikojne jeten e shume personave

PRISHTINE - Gjatë këtij muaji policia ka regjistruar shumë raste të arrestimit dhe konfiskimeve të armëve që dyshohet se janë përdorur në mënyrë të kundërligjshme gjatë ahengjeve të ndryshme familjare.

Gjatë javës së fundit policia ka intervenuar në 26 raste të përdorimit të armëve të zjarrit në ahengje ku janë konfiskuar 23 armë dhe janë arrestuar 13 të dyshuar.

Me qëllim të ruajtjes së jetës dhe pronës së qytetarëve dhe parandalimit të të shtënave me armë zjarri në ahengje, Policia e Kosovës ka ndërmarrë një sërë masash përfshirë këtu edhe ndalimin e kolonës së dasmorëve dhe bastisjeve të ndryshme.

Gjatë këtij muaji policia ka regjistruar shumë raste të arrestimit dhe konfiskimeve të armëve që dyshohet se janë përdorur në mënyrë të kundërligjshme gjatë ahengjeve të ndryshme familjare.

Në Policinë e Kosovës janë regjistruar edhe raste të shkaktimit të lëndimeve trupore si pasojë e të shtënave me armë zjarri nëpër ahengje.

I tillë është rasti që është raportuar dje (15.07.2012) në Drenas ku raportohet se viktima (mashkull K/Shqiptar) derisa ishte duke pirë kafe me një restorant, papritmas është goditur nga një plumb qorr në shpinë duke i shkaktuar lëndime trupore.

Viktima është dërguar për tretman mjekësor ne QKUK –Prishtinë. Policia ka identifikuar një të dyshimtë lidhur me këtë rast nga i cili është konfiskuar një revole e tipit M-57 me një karikator dhe tre fishek te kalibrit 7.62 mm.

HermesNews-© 2012

Dërgo me email | Stampo artikullin | Artikulli është lexuar 111 here