6/30/2012 9:35:52 AM

Çfarë trashëguan 'fëmijët' e pedofilit anglez

Nga Laureta Roshi

TIRANE - Pas publikimit të lajmit se anglezi i dënuar për pedofili “strehohet” për sjellje të mirë në një mjedis me të mitur, shumëkush beson se shumë para janë paguar nga rrjetet përfituese nga krime të tilla. Nëse në çdo burg, personat që kanë abuzuar me fëmijët janë më të dënuar dhe nga vetë të burgosurit e kundërta ndodh në Shqipëri. Kompleksi ndaj të huajve apo ndaj fuqisë së parasë nën dorë, ka fituar mbi ligjin. Duke kthyer vëmendjen tek burgjet, këto miniera të arta të korrupsionit që nuk provohet dëndur. Ata drejtorët e burgjeve janë gjithmonë të përkohshëm dhe përherë në hije për të zbardhur pasurinë e tyre, duke nisur që nga takimet jashtë rradhës mes të burgosurve dhe familjarëve për të mbërritur deri të skandali bërë publik nga një gazetë e përditshme shqiptare.

Viktimat e pedofilit anglez – heshtja vrasëse Pas shpërthimit të skandalit në vitin 2006 një pjesë e fëmijëve të abuzuar u zhvendosën në qendrat sociale, ku u trajtuan vetëm njeherë nga sociologët e një shoqate të huaj për fëmiëjt dhe kaq. Nëse pyet zyrtarisht për ta të kthejnë përgjigjen klishe “janë nën kujdesin e shtetit”. Kaq. Nëse rastësia të bën ti njohësh nga afër dhe ti kesh pak miq, të besojnë se nuk e kanë kaluar atë periudhë.

S. B është vetëm 12 vjeç, ka një zhvillim të mirë fizik por i largohet rikthimit në kujtimet kur ka qënë në qendrën “fëmijët e tij”, përveçse ka përherë prirjen të mbështetet të grupi i fëmiëjve që kanë ardhur nga ajo qendër, ku fëmija më i madh është Rovi tani 15 vjeçare, me një trup të rritur ajo dhe shumë trishtim në sy. Tani kanë një strehë sociale, ku prej 6 vitesh janë bashkuar me të tjerë fëmijë. Askush prej tyre nuk është birësuar nga ndonjë familje tjetër. Ndjesa e “babait” abuzues mbeti në kalimin e tyre nga ajo qendër e abuzimit në një qendër sociale të shtetit. Në këtë strehëz ku jetojnë ata sot kanë dhoma të përbashkëta 2/3 fëmijë në një ndarje dhe një të ardhme të paqartë.

Eshtë qesharake të kujtoj se nga një bankë u mundësuan disa llogari bankare për fëmijët jetimë por pas promocionit asgjë nuk u hodh në ato llogari, ndoshta pasuria e këtyre kriminelëve që shteti ynë dhe dënimin ua bën më të lehtë do të ishte sekuestro e mirë të paktën për të ndërtuar shtëpi komunale për viktimat e tyre, e në këto shtëpi të jetonin dhe fëmijët e këtyre që pranojnë dhe firmosin lehtësira për mostrat.

Nga Dënimi te Lehtësirat Nga shqyrtimi i provave të paraqitura në gjykatë, ka rezultuar se Dino Christodoulou është dënuar më datë 12 janar 2010, me akuzën “marrëdhënie seksuale me të mitur”, me 20 vjet burgim.

Ky vendim është lënë në fuqi edhe nga Gjykata Apelit Tiranë. Sipas dinamikës së dënimit paraqitur nga përfaqësuesi i burgut, kërkuesi ka vuajtur gjithsej 6 vjet, 8 muaj e 21 ditë burgim, duke i mbetur për të vuajtur edhe 13 vjet, 3 muaj 9 ditë.

“Rezultoi e provuar se kërkuesi nuk ka përfituar ulje dënimi sipas praktikës paraqitur nga Institucioni Ekz. Vendimeve Penale Vaqarr. Vlerë provuese për gjykatën kanë edhe provat e administruara, dinamika e vuajtjes së dënimit për të dënuarin, si dhe vendimet penale. Sipas vlerësimit të sjelljes së të dënuarit, bërë nga Drejtoria e IEDP Vaqarr (Burgu 327) Tiranë, rezulton se i dënuari ka ardhur në këtë burg në datë 15.12.2010.

Gjatë kohës së qëndrimit në burg, i dënuari ka respektuar rregulloren e institucionit. Ka marrëdhënie korrekte me personelin e burgut dhe bashkëvuajtësit dhe jepet si konkluzion: duke u nisur nga sa më sipër, komisioni i vlerësimit të sjelljes është i mendimit për pranimin e kërkeses.

Vlerë provuese për gjykatën kanë edhe provat e administruara, dinamika e vuajtjes së dënimit për të dënuarin, si dhe vendimet penale. Sipas vlerësimit të sjelljes së të dënuarit, bërë nga Drejtoria e IEDP Vaqarr (Burgu 327) Tiranë, rezulton se i dënuari ka ardhur në këtë burg në datë 15.12.2010.

Gjatë kohës së qëndrimit në burg, i dënuari ka respektuar rregulloren e institucionit. Ka marrëdhënie korrekte me personelin e burgut dhe bashkëvuajtësit dhe jepet si konkluzion: duke u nisur nga sa më sipër, komisioni i vlerësimit të sjelljes është i mendimit për pranimin e kërkesës”, thuhet në vendimin e gjykatës, e cila, pasi verifikoi të gjitha provat, vendosi për pranimin e kësaj kërkese.

Skandali pedofilik i qendrës “Fëmijët e Tij” është konstatuar në muajin Maj të vitit 2006. David Brown, drejtuesi i fondacionit, u vu në pranga nga policia më 18 maj. Në të njëjtën kohë, u shpallën në kërkim Dino Christodoulou dhe Robin Arnold, të cilët u arrestuan në Britaninë e Madhe dhe më pas u ekstraduan në vendin tonë, ku iu nënshtruan hetimit dhe gjykimit. Disa fëmijë pohuan në gjykatë dhe prokurori se Christodoulou ka abuzuar me ta. Skandali pedofilik i qendrës “Fëmijët e Tij” është konstatuar në muajin Maj të vitit 2006.

HermesNews - © 2012

Dërgo me email | Stampo artikullin | Artikulli është lexuar 210 here