6/29/2012 12:30:16 PM

Bursat festojnë marëveshjen e BEsë

Zyrtarët e zonës euro ranë dakord për zbatimin deri në fund të vitit të një mekanizmi që mundëson rikapitalizimin e drejtpërdrejtë të bankave duke iu nënshtruar disa kushteve, nëpërmjet Fondeve të Shpëtimit të Stabilitetit Financiar (FESF) dhe Mekanizmit Evropian të Stabilitetit (MES)

PARIS - Bursat evropiane regjistruan sot në mëngjes rritje pas marrëveshjes së papritur të arritur në Bruksel mes drejtuesve të zonës euro mbi mundësitë e rikapitalizimit të bankave nëpërmjet fondeve të shpëtimit ashtu siç u kërkua nga Italia dhe Spanja

Rreth orës 07:15 GMT, bursa e Parisit u rrit me 2,52 për qind, e Frankfurtit 2,35 për qind, e Londrës 1,43 për qind, e Milanos 3,20 për qind dhe e Madridit 3,71 për qind.

Ky zhvillim politik i papritur i ka mundësuar Bursës së Tokios një rritje prej 1,50 për qind. Dje, tregjet ishin të lëkundura mes shqetësimit dhe dyshimit përsa i përket përfundimit të samitit, vendimtar për të ardhmen e zonës euro, për shkak të ekzistencës së mosmarrëveshjeve mes vendeve për mjetet e parandalimit të krizës së borxhit.

"Nga fakti që kishte pak pritshmëri për samitin e Bashkimit Europian, ky njoftim ishte i papritur'', theksoi nga ''Dow Jones Newswires'' Masafumi Yamamoto, kryestrategjist i këmbimeve në Barclays Capital në Tokio.

Zyrtarët e zonës euro ranë dakord për zbatimin deri në fund të vitit të një mekanizmi që mundëson rikapitalizimin e drejtpërdrejtë të bankave duke iu nënshtruar disa kushteve, nëpërmjet Fondeve të Shpëtimit të Stabilitetit Financiar (FESF) dhe Mekanizmit Evropian të Stabilitetit (MES).

HermesNews - © 2012

Dërgo me email | Stampo artikullin | Artikulli është lexuar 118 here