6/25/2012 5:37:45 PM

Prodhimet bujqesore, 73,6% rritje ne eksporte

Në Maj importi i mallrave me akcizë arriti vlerën 6,125 milardë lekë dhe zuri 13.7% ndaj totalit

TIRANE - Në muajin Maj eksportet shqiptare rezultuan të rritura për prodhimet ushqimore, njoftoi sot INSTAT-i. Krahasimi me muajin prill për disa nga grup mallrat tregon se në muajin maj eksporti i grupit Ushqime, pije, duhan u rrit 73.6%, Materiale ndërtimi dhe metale me 26.5%, Produkte kimike dhe plastike 12.4%, etj, ndërsa u ulën me 16.6% për grupin Lëkurë dhe artikujt prej tyre. Në Maj u rritën importet e grupit Prodhime druri dhe letre me 34%, Materiale ndërtimi dhe metale me 25%, Tekstile dhe këpucë 20%, dhe u ulën me 1.8% importet e grupit Ushqime, pije, duhan. Në Maj importi i mallrave me akcizë arriti vlerën 6,125 milardë lekë dhe zuri 13.7% ndaj totalit. Krahasuar me muajin Prill, importi i mallrave me akcizë u rrit me 22.7%, ku peshën më të madhe të tyre, me 77.6%, e zënë nënproduktet e naftës.

HermesNews - © 2012

Dërgo me email | Stampo artikullin | Artikulli është lexuar 115 here