6/23/2012 9:14:43 AM

Drejt konsolidimit të sistemit bankar ?

Do i rikthejë paratë zgjedhja e Adonis Samaras ?

ATHINË - Drejtuesi i një prej katër bankave kryesore greke pranoi hapur se fitorja e konservatorit, Adonis Samaras në zgjedhjet legjislative të së dielës, parë si një garanci për mbajtjen e Greqisë në zonën euro, kishte qenë një lehtësim i madh. Javën e kaluar, bankat kaluan pranë falimentimit.

Frika për një kapërcim të madh drejt të panjohurës në rast të fitores të së majtës radikale përshpejtoi tërheqjen e parave në një ritëm të pazakontë. Nëse bankat greke kanë humbur dy të tretën e shpenzimeve të tyre, rreth 70 miliardë euro që prej dy vjetësh, vetëm javën e kaluar ato kanë parë kasat e tyre të boshatisen nga disa miliarda euro, sipas disa burimeve të pyetura nga AFP.

Një fillim i panikut bankar, në një agjenci në Kretë, u shmang nga informacioni që nuk u përhap. Edhe para kësaj jave kritike u bë gjithçka për të parandaluar një skenar të tillë.

Gjithashtu, pa pritur rezultatin e zgjedhjeve, Fondi Europian i Stabilitetit Financiar (FESF) hodhi për katër bankat kryesore (BNG, Alpha Bank, Eurobank, Banka e Pireut), konsideruar si shkaktare të një rreziku të vazhdueshëm në rast falimentimi, një shumë prej 18 miliardë eurosh për rikapitalizimin e tyre, me qëllim që të mund të rifinancohen nga Banka Qendrore Europiane.

Çdo ditë dhe që prej disa muajsh, Banka e Greqisë verifikonte dhe kontrollonte dy herë në ditë për nivelin e shpenzimeve të tyre, sipas një njohësi të mirë të sistemit. A do t'i rikthejë paratë zgjedhja e Adonis Samarasit ?

"Që prej dy ditësh ka depozita të reja të parave, por është shumë larg kompensimi i shumave të tërhequra'', theksoi zyrtari, i cili shtoi se duhen bërë nga ekipi i ri në pushtet para se ne të mund të marrim frymë. Formimi i qeverisë, që i jep fund paqëndrueshmërisë politike dhe emërimi në postin e ministrit të Financave të Vassilis Rapanos, deri në atë kohë drejtor i Bankës Kombëtare të Greqisë (BNG), banka e parë në vend, u mirëprit nga shumë bankarë.

"Të paktën, ne do të kemi për ministër një njeri që njeh bankat dhe që do të punojë më shumë për t'i ndihmuar sesa për t'i luftuar'', theksoi i njëjti burim bankar. Sepse bankat greke mbeten të brishta, dhe besimi që kanë grekët tek bankat mbetet gjerësisht i varur nga besueshmëria e qeverisë.

Nëse kjo e fundit dështon të arrijë marrëveshje me kreditorët për rinegocimin e memorandumit, është e mundshme që skenari "Grexit" (dalja e Greqisë nga euro) rishfaqet dhe rikthen mosbesimin kundër sektorit bankar.

Ato janë konsideruar si viktima të krizës më shumë se përgjegjës, ashtu si vendet e tjera. Ato kanë mbajtur barrën e detyrimeve të shtetit në kuadër të operacionit të fshirjes së borxhit, që u ka kushtuar 23 miliardë euro.

Përveç të tjerash, sipas Blackrock, që ka realizuar një audit të sektorit bankar, përfundimet e të cilit nuk janë bërë ende publike nga Banka Qendrore, bankat do të vuajnë nga fakti i shumëfishimit të kredive të këqija, humbja e 30 miliardë eurove në tre vitet që do të vijnë.

Megjithatë, Bashkimi Evropian u angazhua t'u akordonte atyre deri në 50 miliardë euro në kuadër të memorandumit të dytë. Por zhbllokimi i këtyre parave varet nga negociatat me trojkën. Bashkimi Europian kërkon antiteza.

Të gjitha bankat duhet të paraqesin deri në muajin shtator një ''plan biznesi'' për autoritetet bankare, për vlerësimin e burimeve dhe nevojave të tyre.

''Çështja e pronësisë së kapitalit ët bankave është gjithashtu një çështje delikate. Ndërkohë që programi i së majtës parashikonte normalizimin e tyre, partnerët e Greqisë, BE dhe FMN, këmbëngulën që kontrolli i bankave të mbetet privat'', theksoi një burim i afërt me këtë çështje.

Një tjetër çështje e nxehtë dhe komplekse pret qeverinë, ajo e bankës bujqësore ATE, kryesisht e njohur jashtë vendit. "Çdo zgjidhje duhet të përfshijë në një mënyrë apo në një tjetër, një ndarje mes të pasurive dhe aktiveve të këqija nëpërmjet krijimit të një strukture të ndarë'', theksoi një burim bankar.

"FMN-ja po e ndjek me kujdes këtë çështje'', konfirmoi një tjetër burim. Një gjë është e sigurt: lëvizja e konsolidimit të sistemit bankar grek ka filluar dhe francezi ''Crédit Agricole'', që kërkon dëshpërimisht të mbajë rrezikun e ''Emporiki''-së, mund të kërkojë të përfitojë më shumë duke provuar të bashkojë filialin e saj me një apo disa banka lokale. //Nga Eve Szeftel//

HermesNews - © 2012

Dërgo me email | Stampo artikullin | Artikulli është lexuar 147 here