6/23/2012 9:01:13 AM

Zbulohen bizhuteritë romake në Tokio

Objektet u gjetën në varrezën Utsukushi, një qendër funeralesh në Nagaoka që daton që prej shekullit të V pas Jezu Krishtit

TOKIO - Arkeologët japonezë njoftuan sot se kishin zbuluar në një varrezë, jo shumë larg Kiotos, ish-kryeqytet perandorak, një bizhuteri prej xhami e punuar nga një artizan romak.

Objektet u gjetën në varrezën Utsukushi, një qendër funeralesh në Nagaoka që daton që prej shekullit të V pas Jezu Krishtit, nga shkencëtarët e Institutit Kombëtar të Kërkimit për Trashëgiminë Kulturore.

Bëhet fjalë për tre perla xhami me ngjyrë të verdhë me një diametër prej pesë milimetrash, mbi të cilat shfaqen shkëlqime. Studiuesit kanë zbuluar praninë e karbonatit të sodiumit, një përbërës kimik natyral i përdorur nga artizanët romakë.

"Këto janë objekte xhami, më të lashtat të zbuluara ndonjëherë në Japoni, shumë të rralla dhe padyshim të prodhuara në Perandorinë Romake dhe më pas të dërguara në Japoni'', theksoi Tomomi Tamura, studiues në këtë institut.

HermesNews - © 2012

Dërgo me email | Stampo artikullin | Artikulli është lexuar 114 here