6/20/2012 10:40:07 AM

Tarator

nga Brunhilda Çela

Gatuaj me ne Sot temperatura në qytetin tim ka shënuar 36 gradë. Mendova të gatuaj gjëra të ftohta e të shpejta për drekë. Një omletë me kërpudha (të cilat i gjeta dje rastësisht duke shëtitur) dhe Tarator. Besoj të gjithe e njihni dhe e keni shijuar taratorin në familjet tuaja, sidomos në ditet e nxehta të verës të kënaq. Quhet shumë mirë dhe supë e ftohtë. Supa e famshme andaluziane Gazpacho e ka origjinën nga supa e ftohtë me kastraveca, hudhra, bukë, vaj ulliri, pak uthull të cilën e sollën mauret në Andaluzi dhe me kalimin e kohës u kthye ne gazpachon klasike që njihet sot me domate, speca, kastraveca etj. Popujt ballkanike e kanë preferuar me kos dhe ujë që ne i themi Tarator.

Por sot mendova t'i bëja një servirje të veçantë në enë akulli. Enën e akullit e bëra me dy kupa xhami ku njerën e mbush me ujë, tjerën e vë sipër saj dhe ajo noton prej ujit duke krijuar boshllëkun midis kupave dhe midis boshllëkut vura ca copa kastraveci të prera tërthore për zbukurim.

Kjo metodë mund të përdoret dhe për servirje akulloresh ku mund të vini sipas dëshirës feta frutash apo lule e gjethe të ndryshme. Eshtë një servirje shumë e bukur dhe përshtatet me stinën e nxehtë. Kupat e akullit i vura dje në ngrirës dhe sot i kisha gati për servirje.

Receta për dy racione:
1/2 kastravec
500 ml kos kremoz
1-2 thelba hudhër
pak koper
kripe 1 lugë kafeje plot
2-3 lugë vaj ulliri
Nëse e keni kosin e trashë vërini dhe pak ujë

Përgatitja: Në një tas grijmë kastravecin të cilit unë preferoj t'ia qëroj lëkurën. Kastravecin nuk bën ta grijmë më rëndë por në copa kubike të vegjël me thikë. Shtojmë aty hudhrën e shtypur, kripën, koprën, kosin dhe i përziejmë. Në fund, shtojmë dhe vajin e ullirit dhe i servirim në kupën prej akulli duke i zbukuruar me një degë kopre dhe pak vaj ulliri lart. Ju bëftë mirë !


* Autorja punon farmaciste në Austri: hobi i saj është gatimi, fotografia dhe dekorimet: recetat mund t'i shikoni dhe në profilin e saj facebook-ut "Të gatuajme së bashku" Receta të tjera të Brunhildës: Rosto viçi me makarona të çastit Bukë lule Buding me bukë të bardhë të mbetur dhe mollë Peshk me arra dhe shege Qofte zgarë me bukë pite dhe salcë kosi Sallate me lakra te egra (ose rukola), shege dhe djath i skuqur Pule me arra Makarona me salcë salmoni Shishqebap me gjoks puledeti Byrek me qepë Pite te mbushura me tre djathra Tortë 'Sharlotë' Peshk në brumë me salcë bernaise Byrek me hithra Torta Mimoza Roladë me mish viçi dhe salcë Qofte me hithra dhe salcë kosi Qofte me qiqra Krem Brulee (Krem Katalan) Role buke me salcë kërpudhash Zogj me patate të marinuara Embëlsirë me vishnje e sfoliat Biskota trëndafil Leçenik Trendafila brumi te mbushur me krem Japrak me gjethe rrushi Marmaladë me petale trëndafili Torte me luleshtrydhe Shurup me bar blete Jahni me mish qengji


* Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi

HermesNews

Dërgo me email | Stampo artikullin | Artikulli është lexuar 489 here