5/31/2012 9:28:05 AM

Obama për krizën: takime urgjente me europianet

Drejtuesit ranë dakord për të vazhduar bisedimet nga afër në përgatitje të takimit të tyre gjatë samitit të G20-s në Meksikë muajin e ardhshëm

WASHINGTON - Presidenti amerikan, Barack Obama diskutoi dje nëpërmjet një viodeokonference në kuadër të krizës në zonën euro dhe në Siri me drejtuesit francezë, gjerman dhe italian, theksoi Shtëpia e Bardhë në një komunikatë.

Presidenca amerikane nënvizoi se ky takim me presidentin francez, François Hollande, kancelaren gjermane, Angela Merkel dhe kryeministrin italian, Mario Monti u zhvillua menjëherë pas samitit të G8-s (SHBA, Japoni, Gjermani, Francë, Britani e Madhe, Itali, Kanada, Rusi) që u mbajt në fillim të muajit në SHBA me ftesë të presidentit amerikan, Obama.

"Katër drejtuesit ranë dakord për të vazhduar bisedimet nga afër në përgatitje të takimit të tyre gjatë samitit të G20-s në Meksikë muajin e ardhshëm'', shtoi Shtëpia e Bardhë pa dhënë më shumë detaje për propozimet e bëra përsa i përket krizës në zonën euro.

"Drejtuesit kanë diskutuar gjithashtu për ngjarjet e fundit në Siri dhe pikëpamjet që ndajnë mbi rëndësinë për t'i dhënë fund dhunës së ushtruar nga qeveria kundër popullit dhe mbi urgjencën për të arritur një tranzicion
Drejtuesit e vendeve të G8-s u shprehën më 19 maj në mbështetje të rritjes ekonomike për të kompensuar efektet e masave shtrënguese buxhetore dhe për të kërkuar mbajtjen e greqisë në zonën euro.

Ata ranë gjithashtu dakord për nevojën e arritjes së një tranzicioni politik në Siri dhe ndërprerjen e dhunës në vend.

HermesNews - © 2012

Dërgo me email | Stampo artikullin | Artikulli është lexuar 86 here