5/17/2012 9:59:28 PM

Pereira: ja si do shmangim krizen

'Kemi të qartë faktin se vetëm përmes zbatimit të programit dhe kryesisht të reformave strukturore (...) mund të arrihet të rifitohet besueshmëria e humbur', deklaroi Santos Pereira

LISBONË - Ministri portugez i Ekonomisë, Alvaro Santos Pereira u shpreh sot se vetëm zbatimi i përpiktë i programit të reformave dhe të masave shtrënguese ekonomike, në shkëmbim të ndihmës ndërkombëtare, i mundësojnë Portugalisë shmangien e një situate të njëjtë me ''krizën greke''. "Kemi të qartë faktin se vetëm përmes zbatimit të programit dhe kryesisht të reformave strukturore (...) mund të arrihet të rifitohet besueshmëria e humbur", deklaroi Santos Pereira në një konferencë shtypi pas një takimi të Këshillit të ministrave. Ministri iu përgjigj gjithashtu pyetjes mbi përgatitjen nga Portugalia të një plani të mundshëm për mbrojtjen e vendit në rast se Greqia del nga zona euro. Ideja e një plani të mundshëm u publikua gjerësisht nga shtypi portugez si tema kryesore e vlerësimit për zbatimin e planit të ndihmës.

HermesNews - © 2012

Dërgo me email | Stampo artikullin | Artikulli është lexuar 119 here