3/15/2012 4:26:13 PM

Biznesi shqiptar dhe kosovar diskutojnë problemet e referencës doganore

Kryetari i Dhomës së Tregtisë dhe Industrisë Tiranë, Nikolin Jaka takon kryetarin e Odës Ekonomike të Kosovës, Safet Gerxhalliu

TIRANE - Biznesi shqiptar dhe ai kosovar diskutuan mbi problematikat që hasin në bashkëpunimin e tyre, ku theksi kryesor iu vu çështjes doganore, konkretisht çmimit të referencave për produktet ushqimore, dhe kryesisht për eksportimin e patates .

Kryetari i Dhomës së Tregtisë dhe Industrisë Tiranë, Nikolin Jaka gjatë një takimi të zhvilluar me kryetarin e Odës Ekonomike të Kosovës, Safet Gerxhalliu në Prishtinë i kërkuan ministrisë së Financave gjetjen e një zgjidhje për çmimin e referencës për këtë produkt, me qëllim moskrijimin e raporteve të ngrira tregtare.

"Nëse me Serbinë çmimi i referencës së patates është 0, 08 cent, me Malin e Zi, 0.10 cent, apo me Maqedoninë 0.14 cent, me Shqipërinë ky produkt eksportohet me çmim reference 0.24 cent. Ky është jo vetëm një problem shqetësues, por që kërkon zgjidhje të shpejtë, duke vënë në diskutim marrëdhëniet tona tregtare me këtë vend", tha Jaka.

HermesNews - © 2012

Dërgo me email | Stampo artikullin | Artikulli është lexuar 80 here