2/6/2012 7:34:59 PM

Puna dhe jeta private

Të kesh dikë të rëndësishëm në jetë, dikë që t’i dedikoni orët e pas punës, ju bën më produktiv

Lady in Red Mos lini që puna të bëhet jeta juaj. Një here degjova një njeri të suksesshëm, drejtor i një kompanie të madhe, të thoshte: “Nëse vartësit e mi nuk japin rrezultate në punë, duke patur dhe një jetë private, ka diçka që nuk shkon”.

Kompanisë suaj, i detyroheni orë të ndershme punë, në këmbim të të cilave ajo ju detyrohet një pagë të ndershme, por dreqi e mori, mos mendoni se i detyroheni dhe jetën.

Zakonisht janë gratë ato që kufizojnë jetën e tyre private për nevojat e kompanisë, derisa vjen një ditë, kur e kuptojnë se vërtet nuk kanë asnjë arsye për t’u kthyer në shtëpi.

Në fakt, të paturit dikë jashtë punës, flas dikë të rëndësishëm, na ndihmon të jemi dhe më produktive. E quaj ide të gabuar, heqjen dorë nga jeta private, për të bërë karrierë. Biles një jetë private pas orareve të punës i bën gratë më pak të dëshpëruara apo të mërzitshme.

Nëse ju kërkojnë të fshihni një impenjim tuajin personal, në emër të nevojave të kompanisë, mendohuni dy herë. Ka raste kur nuk keni nga t’ia mbani, por nëse kjo bëhet huq, atëherë diçka nuk shkon. Mos fshini impenjimet që keni me familjen për hir të kompanisë, përveç rasteve të jashtëzakonshme.

Dhe në këto raste, mendohuni dy herë. Nuk mund t’ia lejoni vetes të humbni vendin e punës, por pyesni veten nëse do të ishit më mirë në një kompani që mbron dhe vlera familjare. Zhvilloni hobby dhe interesa të tjera jashtë punës. Nëse nuk keni, shpikini, gjithçka veç dilni ndonjëherë nga zyra. //HermesNews - © 2012//

Doriana Metollari

Dërgo me email | Stampo artikullin | Artikulli është lexuar 183 here