2/1/2012 12:08:21 PM

Gazeta online dhe tregu shqiptar

Ky artikull nuk është i sponsorizuar dhe nuk është reklamë në vetvete: pak minuta për të na dëgjuar ate çfarë kemi për t'ju thënë: ka ardhur të edukohemi me informacionin online

HermesNews - Javët e fundit, hermesnews arriti një rekord të ri vizitash në sit. Pjesa më e madhe e të cilave vinin nga Shqipëria (Tirana). Janë vizitator, që siç na komentojnë, informohen mbi të gjitha dhe vetëm online, duke qenë se kushtet në të cilat punojnë, informacioni online kthehet në një prakticitet dhe domosdoshmëri për ta, meqë u vjen aty ku janë dhe falas. Pjesën tjetër të ditës, mund ta mbushin me interesa të tjerë për rritje kulturore.

Me këtë kemi kuptuar se interesi i lexuesve shqiptar, pa asnjë ekzagjerim, sa vjen dhe rritet për median online dhe ka disa arsye që unë i quaj esenciale: (1) mosha e re; mosha mesatare e qytetarëve shqiptare është shumë e re dhe kjo i bën më të tërhequr ndaj teknologjive te reja: (2) impakti dhe vitaliteti: qytetarët shqiptarë janë një popull vital dhe impakti që ata kanë me teknologjite e reja, ngjall kureshtje, dëshirë për ta eksploruar dhe në një farë mënyrë bashkëjetesë me gjithçka që ia lehtëson organizimin e ditës: (3) lehtësirat që ofron interneti; në vetvete këto të fundit nuk janë asgjë më tepër sesa një bashkësi shërbimesh që qytetarët i marrin falas, shpejt dhe në mënyrë të pranueshme, pa ndjerë asnjë invadencë (pushtim) në jetët e tyre, meqë zgjedhin ata ku dhe si të informohen. Këtë të fundit, më pëlqen ta quaj, dhe e kam thënë shpesh herë Informacion Aktiv.

Por çfarë ndodh me tregun shqiptar, bizneset dhe institucionet shtetërore ? Ndoshta për mungesë kohe, ose dëshirë e vjetër se di pse, për të mos u shkëputur nga tradicionalja, bizneset mezi arrijnë të vendosin për reklama online. Pse ? Ajo të cilën unë e quaj një arsye të rendësishme, është mungesa e informacionit. Një sit informacioni online kërkon vëmëndje më më të përqëndruar dhe nuhatje për prespektivën në të ardhmen. HermesNews ka gjashtë vite jetë. Nuk ishim ne të parët që e zbuluam internetin, por prespektivën e tij. Vendosëm për stilin tonë të informimit (është po ai që lexuesit duan) dhe i dhamë karakterin e një gazete online. Gazetaria online në Shqipëri nuk është e re, e re është vetëm dëshira për të besuar impaktin e internetit në treg. Lexuesit na thanë po, të tjerët duhet të besojnë. //HermesNews - © 2012//

Doriana Metollari

Dërgo me email | Stampo artikullin | Artikulli është lexuar 289 here