1/31/2012 10:09:08 AM

Kur lajmi mbrohet nga privacy

Atëherë kur i duhet thënë jo publikimeve

TIRANE - Lajmi për një 28 vjeçar, me shumë probabilitet, siç shkruhej dhe nga gazeta, konsumator droge, nuk do të përfundonte nëpër faqet e gazetave, nëse nuk do të ishte i biri i një prej liderëve më aktiv të Partisë Socialistë dhe një deputeti. Lajmi në këtë rast nuk ishte i ati, atij nuk iu gjet drogë, lenda narkotike iu gjet të birit dhe ky i fundit mori rëndësi nëpër zgjedhjet që gazetari bën për publikim, falë atësisë që i kishin shkruar në komunikatë.

Fëmija i një personi publik, e ka më shumë të mbrojtur privacy-n e tij,
sepse luan një rol jo publik

Në të vërtetë, duhej të ishte pikërisht kjo ajo që duhej ta mbronte, në këtë rast. Pse ? Në fillim një përmbledhje e shkurtër: I riu u arrestua pas një kontrolli të ushtruar nga policia në Durrës. Në media shkruhej që në rreshtat e parë sesi i arrestuari ishte i biri i politikanit dhe se në momentin e kontrollit iu gjet 1,5 gr drogë brenda makinës me pronësi të të atit.

Tani një analizë e shkurtër e vendimit për t'a publikuar: I biri i një personi publik ka më shumë të mbrojtur sferën e tij private sepse luan një rol jo publik, ndryshe nga vetë deputeti i cili e ka më pak të mbrojtur jetën private për shkak të funksionit të tij dhe kjo është një histori e vjetër sa vetë media.

I biri nuk është politikan, nuk ka rol publik dhe fakti që iu gjetën 1,5 gr drogë e fut atë në listën e përdoruesve të zakonshëm që zbulohen çdo orë nga policia, dhe nuk publikohen sepse nuk përbën lajm. Djali i një deputeti po, por, dhe ai si te tjerët ka të drejta që duam apo jo, duhet të respektohen.

Ligji mbi Privacy-n është në konflikt të përjetshëm me mediat, por jeta private e njerëzve është një prej themeleve të një qytetarie të civilizuar dhe një prej vendimeve më të vështira editoriale. Nëse droga do të ishte gjetur te atit, publikimi do te ishte gjeja me normale që do ndodhte, po me ç'të drejtë nëpërkëmbet figura e të riut ?

Në një prej vendeve të perëndimit (Angli psh) një publikim i tillë do t'i kushtonte gazetës. Tek e fundit është e rëndësishme t'i njohim limitet e punës sonë dhe pse kjo duket se mund të na pengojë në punën tonë, çfarë nga ana tjetër rrit cilësinë e asaj që bëjmë dhe vendimeve editoriale që marrin. Me gjithë punën e mirë që bëjmë të gjithë, djali i deputetit në këtë rast duhet të kishte patur sferën e tij private, ndryshe ruajtjen e privacy-t. //HermesNews - © 2012//

Doriana Metollari

Dërgo me email | Stampo artikullin | Artikulli është lexuar 194 here