1/28/2012 10:52:11 AM

PD kremton përvjetorin në Elbasan

Boçi : Të lëmë mënjanë hatërmbetjet për interesa të ngushta

ELBASAN- Dega e Partisë Demokratike në Elbasan festoi mbrëmjen e së premtes 21 vjetorin e themelimit të saj.
Kreu aktual i degës së PD-së, Luçiano Boçi, vuri në dukje rolin vizionar të kësaj partie si dhe bëri thirrje për konsolidimin e radhëve, jashtë hatërmbetjeve të momentit për interesa të ngushta, duke shtuar se "PD ka sfida të mëdha përpara, ndaj duhet bashkimi dhe shtrëngimi i radhëve".
Nënkryetari i Kuvendit, Ardian Turku, deputet i Elbasanit, e vuri theksin në konsolidimin e fitoreve bashkë me aleatët, me synimin e fitores edhe më të thellë në zgjedhjet e ardhshme.
Në emër të kryesisë së PD, Ministri i Mbrojtjes, Arben Imami, solli në vëmendjen e të pranishmëve momente nga mbledhja e themelimit të degës së PD-së në Elbasan, si dhe fjalimet emocionuese të Gramoz Pashkos e Azem Hajdarit në këtë mbledhje.//HermesNews - © 2012//

Ornela Kadaifçiu

Dërgo me email | Stampo artikullin | Artikulli është lexuar 93 here