1/27/2012 7:04:12 PM

Census dhe ndërmarrjeve bujqësore

Pollo: Censusi i ndërmarrjeve ekonomike, pasqyra e sipërmarrjes shqiptare

TIRANE- Kryetari i Komisionit shtetëror për Censusin, ministri Genc Pollo vlerësoi sot prezantimin e Censusit 2011 të INSTAT për ndërmarrjet ekonomike jo bujqësore në gjithë vendin, si pasqyra më e saktë të asaj që është krijuar me djersë nga sipërmarrësit shqiptarë.

"Ky census na jep shpjegime se përse psh, edhe Banka Botërore na klasifikon si vend me të ardhura të mesme e të larta, apo edhe pse Prodhimi i brendëshëm Bruto (PBB) është në rritje të shpejtë dhe po kap nivelin e vendeve më të pasura të rajonit", tha Pollo.

Censusin për ndërmarrjet ekonomike jo bujqësore, Pollo e çmon si stastikën e kryer për herë të parë nga INSTAT në vazhdë të produkteve të reja stastikore, që bashkë me Censusin për popullsinë dhe banesat është një publikim që do japë panoramë të plotë ekonomike të vendit, që nga rilindja e kapitalizmit shqiptar.

"Krijimi për herë të parë të Regjistrit të ndërmarrjeve ekonomike lokale në bazë qarqesh, shërben si element bazë për vrojtime, studime ekonomike statistikore në nivel rajonal, mjaft të nevojshme për zhvillimin ekonomik", tha Pollo.

Sipas Kryetarit të Komisionit shtetëror për Censusin, këtë vit do të krijohet edhe Censusi i ndërmarrjeve bujqësore. //HermesNews - © 2012//

Ornela Kadaifçiu

Dërgo me email | Stampo artikullin | Artikulli është lexuar 32 here