1/27/2012 6:44:54 PM

Peqin: Protestë në burg

Drejtori i burgut: Duan të mos kufizohen lejet, por protestuan paqësisht

PEQIN - Një grup të dënuarish në Burgun e Sigurisë së Lartë të Peqinit, kanë kërkuar nga drejtuesit e tyre të mos kufizohen lejet të cilat sipas tyre ia garanton ligji.

Në këtë kuadër, në orët e vona të së enjtes, të dënuarit kanë krijuar zhurmë në ambientet e burgut, duke ngritur zërin nga qelitë e tyre, si edhe ambientet e ajrosjes. Duke qenë se nga ana e autoriteteve kjo kërkesë e tyre nuk është përfillur, ata kanë protestuar masivisht gjatë natës te së enjte.

Drejtori i burgut të Peqinit, Dashamir Gjika, deklaroi se “situata e krijuar nuk është aspak problematike dhe për të gjitha kërkesat e bëra nga ana e të dënuarave është gjetur mirëkuptimi dhe po shkohet drejt zgjidhjes së shpejtë të tyre” .

Ndërsa e cilëson të drejtë kërkesën e parashtruar nga ana e të dënuarve, Gjika shton se “ asnjëherë lejet e tyre nuk janë neglizhuar. Por, jo çdo kërkesë e tyre është e realizueshme dhe nuk ka arsye të tejkalohet me kërkesa absurde, pasi zëri i të dënuarve është dëgjuar dhe do të dëgjohet”, shton ai. //HermesNews - © 2012//

Ornela Kadaifçiu

Dërgo me email | Stampo artikullin | Artikulli është lexuar 30 here