11/23/2011 10:39:23 AM

Itali, viktima nga moti i keq

Rrjedha e baltës që u shkaktua nga shirat e rrëmbyeshëm, shkatërroi disa shtëpi në komunën e Saponaras pranë Messines

ITALI - Rrëshqitja e tokës e shkaktuar të martën në mbrëmje nga shirat e fortë në rajonin e Messinës në Siçili (jug), mbuloi katër persona, njëri prej të cilëve u gjet i vdekur, ndërsa tre të tjerët po kërkohen ende, njoftuan të mërkurën autoritetet lokale.

Rrjedha e baltës që u shkaktua nga shirat e rrëmbyeshëm, shkatërroi disa shtëpi në komunën e Saponaras pranë Messines.

Të mërkurën në mëngjes, u gjet vetëm trupi i një djali shtatë vjeç. Por sipas forcave të shpëtimit, një grua 24 vjeç, një burrë 55 vjeç dhe djali i tij 25 vjeç kanë mbetur nën masat e baltës dhe duhet të kenë vdekur.

Jo larg që aty, në Kalabri, treni që lidh Lamezia Termen me Catanzaron doli nga shinat për shkak të rrjedhjes së baltës mbi këtë linjë lokale. Rreth njëzet pasagjerët e tij u kuruan në vend për hematoma të lehta.

Ishujt Stromboli, Ginostra, Panarea, Alicudi, Filicudi, që frekunetohen nga turistët janë izoluar që prej të hënës pasdite, pas ndërprerjes së lidhjeve detare për shkak të motit të keq.

HermesNews - © 2011

Dërgo me email | Stampo artikullin | Artikulli është lexuar 82 here