11/18/2011 11:07:33 AM

Turqia, Siria rrezikon luften civile

Në shumicën e kohës janë civilët ata që janë sulmuar nga forcat e sigurisë

TURQI - Ekziston rreziku i zhvillimit drejt një lufte civile në Siri, tha sot Ministri turk i punëve të Jashtme, Ahmet Davutoglu. ''Këto kohët e fundit janë shfaqur shumë dezertorë të ushtrisë siriane dhe nga ky fakt ekziston rreziku i zhvillimit drejt luftës civile'', theksoi ai. ''Deri tani është e vështirë të flasësh për luftë civile, sepse në një luftë civile ekzistojnë dy palë që luftojnë. Dhe në këtë rast, në shumicën e kohës janë civilët ata që janë sulmuar nga forcat e sigurisë. Por gjithmonë ekziston rreziku se kjo mund të transformohet në luftë civile'', shtoi ai. Përplasjet kanë qenë më shumë mes dezertorëve të ushtrisë siriane dhe forcave siriane në pjesë të ndryshme të Sirisë.

HermesNews - © 2011

Dërgo me email | Stampo artikullin | Artikulli është lexuar 84 here