11/8/2011 1:21:15 PM

Është vetëm fillimi i trazirave në Shba dhe botë !

Nëse sistemi ynë është thellësisht i korruptuar dhe i kalbur, është e kuptueshme, që personat janë shumë të frustruar: komunizmi nuk është përgjigja

The Economic Collapse - Për një kohë të gjatë, shumëkush paralajmëroi se në këtë vend do të fillonin trazirat, për arsye financiare.

Inatet dhe frustrimi kundër ekonomisë dhe sistemit tonë financiar u rritën në nivele të paprecedenta dhe kjo ka bërë që të shtohen lëvizjet protestuese që i kemi parë muajt e fundit.

Njerëzit janë të lodhur dhe duan zgjidhje. Për fat të keq, inati dhe frustrimi mund të shprehen në një mënyrë të rrezikshme dhe të paparashikuar.

Ajo që kemi parë në Oakland, Seattle dhe në qytete të tjera të rëndësishme në SHBA, është fillimi i trazirave financiare në këtë vend. Po, anarkistët janë përgjegjes për një pjesë të mirë të trazirave që kemi parë këtë javë, por nuk kanë qenë të vetmit.

Këtu prehet Greqia, djepi dhe varri i demokracisë
Pushon në paqe, për lavdinë e Tregjeve Financiare

Disa manifestues po bëhen shumë të dhunshëm, por dhe policia ka vepruar në mënyrë brutale. Pjesa më e madhe e manfestuesve të Occupy Wall Street nuk do ka të bejë me dhunën, që nuk është përgjigja e duhur, por e gjitha kjo është inat i grumbulluar dhe frustrim. Eshtë e vështirë t'a mbash në paketë, të sistemuara dhe të disiplinuar. Sa herë që ekonomia do përkeqsohet, protestat do të rriten dhe për fat të keq, dhuna po ashtu.

Mund të predikojmë sa të duam për të mirat e rrugëve paqësore dhe disa personave nuk do ta kuptonin kurrë.

Amerika ka mbërritur në një pikë pa kthim dhe ky është vetëm fillimi i kësaj çmendurie. Duhet të behemi gati të shohim trazira në vitet e ardhshme, të paprecedenta.

Sipas nje sondazhi te fundit te Associated Press-GfK, 43 % e amerikanëve besojnë se ekonomia është në kushte ekstreme. Miliona kanë humbur punën, shtepitë dhe me dhjetëra milionë janë shprehur të pështirosur nga ajo që kanë parë se po ndodh në Wall Street, katër vitet e fundit.

Eshtë e lehtë të kuptosh pse personat janë të frustruar dhe po marshojnë nëpër rrugë. Një amerikan në shtatë jeton me bonuse-ushqimi. Varfëria po rritet shumë shpejt dhe pjesa më e madhe e familjeve kanë humbur gjithçka.

Njerëzit kërkojnë përgjigje dhe është e kuptueshme pse pjesa më e madhe e tyre po mblidhen në këto lëvizje protestash.

Pas ngjarjeve në dy vitet e fundit, thuajse të gjithë kanë filluar ta kuptojnë se diçka e rëndë dhe me përmasa të mëdha po ndodh.

Të mërkuren e kaluar, një turmë e madhe me demostrues paralizoi qytetin e Oakland, në California. Disa organizata mediatike thanë ishin 5,000 manifestues por të tjerë kanë pohuar se në një farë pikë numëroheshin më tepër se 20,000.

Një grup me rreth 3,000 manifestues ka marshuar dhe bllokuar portin e Oakland, që është i pesti port më i madh në SHBA.

Në disa zona të tjera të qytetit, u thyen dritare, u shkarravitën muret e zyrave ndërtesave dhe u verifikuan shume akte vandaliste. Janë parë dhe shumë përleshje intensive me forcat e policise.

Në një artikull USA Today ka përshkruar atë që ka ndodhur..

"Policia ka rrethuar manifestuesit dhe u arrestuan rreth 80 prej tyre në qëndër të qytetit, ku banka dhe manifestues kanë gjuajtur me mjete të forta dhe bomba motolov drejt policisë. Pesë manifestues dhe shumë zyrtarë janë arrestuar". Disa pamje

Në një farë pike, një grup manifestuesish ka okupuar një zyrë bosh që dikur përdorej për të strehuar të pastrehët.

Ajo që vazhdon më pas, e përshkruan Los Angeles Times ne nje artikull.

"Manisfestuesit arritën të hynë brenda një ndërtese boshe që strehonte Traveler's Aid Society, një organizatë no-profit që asistonte të pastrehët, por që ka patur shkurtime në buxhet. Sipas sa thuhej nëpër borshura, manifestuesit kishin marrë një ndërtesë për ta ripërdorur. E kishin quajtur "qëndër e re sociale" nëpër rrjetet sociale të Twitter".

Disa manifestues i kanë vënë flakën barrikadave të policisë. Në një komunikatë, policia tha se manifestuesit i kishin gjuartur me shishe dhe gurë.

Zgjidh ndonjë gjë kjo? Sigurisht që jo, por kur njerëzit janë të inatosur dhe frustruar me vështirësi bëjnë gjëra me mend.

Në Oakland, u panë dhe shumë anarkistë të Black Bloc që kryenin akte të dhunshme. Disa manifestues u panë që përpiqeshin t'i ndalnin.

Në fakt është e mundur që dikush po përdor Black Block për të diskredituar protestat. Ka ndodhur dhe herë të tjera në të kaluarën.

Në çdo rast, anarkistët ishin shumë të përfshirë, dhe në pjesën më të madhe në akte dhune. Kliko per te pare videot

Oakland nuk ka qenë i vetmi qytet ku manifestuesit kryen akte të dhunshme. Në Seattle, kanë rrethuar një hotel Sheraton ku CEO JPMorgan Jamie Dimon mbante një fjalim. Sipas disa raportimeve në media, manifestuesit po planifikonin "ta arrestonin në grup".

Qëllimi i tyre nuk u arrit sigurisht, sepse policia shpërndau turmën me spray pipëri.

Seattle Times shkruan: "America po bëhet si ajo e viteve 10-20".

Kjo është pjesa më interesante e revoltave ekonomike. Vetëm sepse ju jeni dakord me turmën nuk do të thotë se turma nuk mund të kthehet dhe kundër jush.

Në New York, ka ndodhur një tjetër tip përleshjeje. Rreth 100 veterane ushtrie u prezantuan me uniforma dhe duke marshuar drejt New York Stock Exchange. U ndalën para ndërtesës e cila ishte e mbrojtur nga një grup agjentësh të armatasur deri në dhëmbë nga Departamenti i Policisë së New York (NYPD). Ishte moment tensioni por për fat të mirë nuk pati dhune.

Kjo mënyrë për t'u përballur me sy, nuk është sinjal për mirë. Cfarë do të kishte ndodhur nëse vetëm një prej tyre do humbte durimin ?

Para bursës së New Yorkut veteranët këndonin me slloganet: "Jemi veteran! Jemi 99 % ! për të rritur të ardhurat aziendale ushtarët duhet te na ndjekin"!

Gjërat po behen gjithnjë e më shumë interesante.

Protestat e Wall Street filluan në mënyrë të qete, por fatkeqsisht nuk ka garanci që dhuna që po shohim tani nuk do të rritet në të ardhmen.

Sipas një sondazhi 31% e atyre që janë përfshirë në Occupy Wall Street mbështesin dhunën për çështjen e tyre. E tmerrshme !

Disa elemente që janë përfshirë në protestat e Wall Street, në realitet po promovojnë komunizmin si përgjigje. Gjatë çmendurisë së fundit të Oakland, disa manifestues kanë varur në qëndër të qytetit një shirit ku shkruhej 'VDEKJE KAPITALIZMIT'. Kjo është përgjigjia ?

Sigurisht që jo. Nëse sistemi ynë është thellësisht i korruptuar dhe i kalbur.
Eshtë e kuptueshme, që personat janë shumë të frustruar. Por komunizmi nuk është pergjigja.

Kur republikanët mbrojnë abuzimet që bëjnë bankat e mëdhe dhe koorporatat, gabojnë. Kur demokratët mbrojnë qeverinë e madhe dhe mbështesin faktin që përgjigja është një qeveri edhe më e madhe, gabojnë. Asnjëra nga palët nuk ka të drejtë.

Kemi nevojë të reduktojmë në mënyrë drastike dimensionet e qeverisë dhe pushtetin e koorporatave. Kjo do të thotë, më shumë pavarsi dhe liri për të gjithë ne, dhe do te thote fuqizimi i individeve dhe aziendave te vogla.

Pjesa më e madhe e personave, mendon se duhe të mbajë ose anën e koorporatave të medha ose qeverisë së madhe.

Njerëzit duan që gjërat të ndryshojnë, por nuk e ndjejnë që gjithsesi ka një mënyrë që të çon tek këto ndryshime.

Nuk ndodh vetëm në SHBA. Sepse inatet dhe frustrimi po rritet në gjithë planetin. Organizata ndërkombëtare e punës, paralajmeroi se trazirat mund të ndodhin kudo në botë nëse kriza do të rëndohet.

Po lëvizim në kohëra të paprecedentë. Askush nuk e ka të sigurt çfarë do të ndodhë nesër. Por sinjalet e alarmit janë. Presioni po rritet gjithnjë e më shumë. Sipas një sondazhi të Fox News, 76 % e gjithë amerikanëve janë "të pakenaqur sesi po ecën vendi". Në fillim të këtij viti, numri ishte vetëm 61 %.

Mund të shpresojmë se gjërat mund të stabilizohen për pak kohë, por në një farë pike, një tjetër krizë financiare mund të shpërthejë dhe ekonomia mund të përkeqsohet. Cfarë do t'i ndodhë këtij vendi kur e gjitha kjo të ndodhë ? Kjo nuk është Amerika ku janë rritur prinderit tuaj, prandaj përgatituni. * Përgatiti për botim Doriana Metollari

HermesNews - © 2011

Dërgo me email | Stampo artikullin | Artikulli është lexuar 319 here