10/31/2011 5:36:52 PM

Greqia e shqetësuar për marëveshjen e uljes së borxhit

Përballë rritjes së trazirave sociale në vend dhe refuzimit të vazhdueshëm për çdo konsensus nga ana e opozitës, ministri u bëri thirrje të gjithë grekëve dhe formacioneve politike të mbështesin përpjekjet që vendi është angazhuar të ndjekë në këmbim të marrëveshjes europiane.

GREQI - Ministri grek i Financave, Evangjelos Venizelos nënvizoi se kishte ende një punë të rëndë dhe negociata të vështira dhe delikate për të ndërmarrë në kuadër të zbatimit të marrëveshjes vendimtare për reduktimin me 50 % të borxhit grek miratuar nga zona euro më 26 Tetor.

"Vendimet e 26 Tetorit janë për momentin në letër, ato duhen detajuar dhe aplikuar. Kjo kërkon shumë punë, negociata të vështira dhe delikate, si brenda zonës euro (...) ashtu dhe mes drejtuesve evropianë", tha ministri në një artikull të publikuar nga e përditshmja proqeveritare 'Ta Nea'.

''Strategjia globale e hartuar nga zona euro nëpërmjet një sërë masash dhe një vullneti të madh politik për të mos pasur të njëjtin fat si vendimet e tjera që ishin të vonuara dhe të pamjaftueshme'', theksoi ai

"Dua të besoj se këtë herë, Evropa është koshiente dhe ka vullnetin e nevojshëm'', shtoi Venizelos.

HermesNews - © 2011

Dërgo me email | Stampo artikullin | Artikulli është lexuar 57 here