10/26/2011 4:28:11 PM

BSH, norma e interesit s'ka ndryshuar

Guvernatori i Bankës së Shqipërisë bën publike në konferencën e përmuajshme me gazetarët ecurinë e treguesve ekonomikë

TIRANE - Guvernatori i Bankës së Shqipërisë, Ardian Fullani, deklaroi të mërkurën se gjatë tremujorit të tretë të këtij viti ekonomia shqiptare ka shënuar rritje, duke ruajtur stabilitetin ekonomik në vend, ndonëse sipas tij, ritmet e rritjes kanë qënë nën potencialin e saj. Fullani tha se treguesit ekonomikë pozitivë për vendin, kanë diktuar Bankën Qëndrore të Shqipërisë të mbajë të pandryshuar normën bazë të interesit për kredinë në lekë dhe trendi pozitiv i ekonomisë nxit investitorët e huaj t’i drejtojnë sytë nga Shqipëria. Fullani theksoi se "inflacioni vjetor ka një trajektore rënëse. Ndërsa eksportet kanë njohur një rritje me 3.2 për qind". Sipas tij, sektori privat dhe individët kanë rritur kërkesën për kredi dhe politikat makro-ekonomike përbëjnë një realitet të ri", tha Guvernatori i BSH-së.

HermesNews - © 2011

Dërgo me email | Stampo artikullin | Artikulli është lexuar 67 here