4/18/2011 11:35:46 AM

Bëhu lider i vetvetes!

Ne jemi shumë të mirë dhe të papërsorur

/HermesNews/ Nuk është e lehtë dhe pikërisht për këtë duhet ta provoni. Do e shihni sa më pak e komplikuar do të të shfaqet bota pas kësaj. Nuk ia vlen të zgjohesh që në mëngjes i vetëdorëzuar, të vrasësh trurin gijthë ditën për të gjetur një përgjigje, apo për të kuptuar një arsye që të tjerët mund të mos jenë në gjëndje t'ua japin kurrë. Këtyre problemeve që mund të mos duken, po janë vogëlsira, mos i kushtoni shumë energji sepse nuk do të jeni në gjendje t'u jepni rrugë problemeve ditore, që në fund do t'u zënë frymën.
Doriana Metollari

Atëherë zgjidh bejetat që duhet të bësh, ato që ju duhen, që ia vlejnë pasi t'i keni gjykuar me mendje të ftohtë, jo të gjitha. Nuk është e lehtë të dalësh në rrugë, e të mos përfshihesh nga kaosi dhe jeta frenetike që na karakterizon, por tek e fundit nuk është dhe as e pamundur të mos përfshihesh krejtesisht në problemet e botës. Kur ju them zgjidhni betejat që ju duhen, nënkuptoj mos u përfshini shumë tek ato të të tjerëve, jini të vëmëndshem për gjithëçka që ju rrethon, por mos i jepni shumë emocione, apo habi, apo përbuzje gjithçka që ose nuk ju pëlqen ose ju pëlqen shumë. Vëzhgoni pa u përfshirë; do t'ju ndihmojë të kuptoni më shumë veten tuaj dhe kujdes, sidomos me ndjenjat e fajit, janë mjeshtre kur bëhet fjalë për t'ju shkëputur nga puna, apo aktiviteti juaj ditor. Lërini mënjanë, ose nëse vërtet doni të punoni mbi to, atëherë zgjidhni një tjetër orar dhe kur të reflektoni mos u ngjitni shumë pas tyre, jepini një arsye dhe ecni përpara, le t'ju vlejë si mësim, por, mos e torturoni veten. Dhe në fund, ajo që unë do t'ua sugjeroja në këto pak rreshta reflektim, është mësoni ta duani veten më shumë. Përsosmëria nuk është bërë për këtë botë, sepse po të ishte kështu do të mërziteshim. Siç e shihni Zoti ka menduar dhe për këtë, prandaj duhet t'ju mjaftojë ajo cfarë jeni, cfarë ju rrethon, dhe çfare mund të arrini. Vini qëllime në jetë, një rrugë pa krye nuk ka kuptim, ashtu si dhe fillimi i një dite pa asnjë motiv, të lodh vetvetiu. 100% e botës dhe për këtë të jeni të sigurt, ka probleme për të zgjidhur, ka pikepyetje, zhgenjime dhe gabime. Nuk jemi në gjendje të mbartim gjatë gjithë kohës mbi shpatulla, sepse kemi nevojë dhe për ajër. Ne jemi shumë të mirë dhe të papërsorur. Le të mësojmë të behemi liderë të jetës sonë, pas kësaj rrugetimi është më i qetë. Na ndiqni dhe në Twitter Lajmet e Hermesnews dhe në Facebook

HermesNews - ©2011

Dërgo me email | Stampo artikullin | Artikulli është lexuar 258 here