9/15/2010 9:37:49 AM

Zv. Ambasadori Bushati, ja pse u largova nga detyra. 'Ambasadori totalisht i pa afte'

Në një intervistë për Hermesnews, Zv. Ambasadori Shqiptar në Romë Zef Bushati, bën publike pengesat e punës së tij gjatë mandatit dipllomatik. 'Mosmarrëveshjet e mia me Ambasadorin Shqiptar në Romë, nuk ishin të karakterit administrativ. Jam penguar sistematikisht në punën time.' Ai deklaron kthimin e tij në jetën politike për një proçes elektoral të ndershëm dhe të lirë.

Paolo PICCI
paolopicci@yahoo.com
15 Shtator 2019
versioni ne gjuhen italiane

Z. Bushati a është e vërtetë që do largoheni nga detyra e zv.Ambasadorit të Shqipërisë në Itali?

Po është e vërtetë. Largohem nga detyra me një ndjenjë keqardhjeje e cila vjen si rezultat i punës intensive që kam bërë gjate 15 muajve në detyrën e Ministrit Fuqiplotë, zv.Ambasadorit, numrit 2 të shërbimin dipllomatik ne Ambasadën e vendit tonë në Itali. Kur më është propozuar kjo detyrë kam qenë në Tiranë në detyrën e zv.Ministrit të Integrimit Europian. Erdha në Romë për të nisur me mjaft pasion një detyrë të cilën e vlerësova si mjaft të rëndesishme për zhvillimet ekonomike të Shqipërisë. Në ambasadën tonë në Itali kam mbuluar gjatë kesaj periudhe marrëdheniet ekonomike e tregtare midis Shqipërise dhe Italisë. Në punën time dipllomatike kam vendosur në baza mjaft profesionale frymën e bashkpunimit, kam evidentuar listën e 35 mijë biznesmeneve të vegjël e të mesëm shqiptare në Itali, kam filluar të hedh bazat e bashkëpunimit real me komunitetin shqiptar dhe atë arberësh, kam zhvilluar takime me drejtues të lartë të qeverisë "Berlusconi" si dhe parlamentare e europarlamentarë, jam takuar me përfaqesues të biznesit italian e të dhomave të tregtise italiane, kisha nisur punën për të nxitur transferimin e kapitaleve të biznesmeneve shqiptare në Itali, drejt vendit tonë, nisa punën për organizimin e binjakëzimeve midis dhomave të tregtisë së Italisë dhe Dhomës së Tregtisë së Shqipërisë, nisa punen për një operator të dytë italian të shpërndarjes së energjisë elektrike në Shqiperi,etj.

Pra ju keni qenë i suksesshëm në detyrën që kryet, atëherë përse po largoheni?

Besoj se po me ecte puna me mjaft sukses. Vija në këtë detyrë me një eksperiencë në fushën e dipllomacisë të fituar gjatë viteve kur kryeja detyrën e Ambasadorit të Shqipërisë në Vatikan. Por më duhet të pohoj se gjatë këtyre 15 muajve kam punuar në kushte shumë të veshtira, duke u penguar sistematikisht në punën time nga një ambasador tërësisht sipas meje i pa aftë dhe me mjaft probleme e i përfolur jo vetëm në ambjentet shqiptare në Itali. Një ambasador që nuk la ndonjë gjurmë pozitive në punën e tij, por që shijoi Italinë. Gjatë gjithë ditëve që ambasadori mungonte stafi dipllomatik ka kryer me rigorozitet detyrat. Këto mendime ja kemi bere me dije edhe ministrit te MPJ-se z.Ilir Meta.







Vazhdon të ketë akoma arsye? Cilat janë?

Duket se puna ime dikujt nuk i shkonte për shtat. Natyrisht dikujt që nuk i intereson forcimi i marrëdhënieve të Shqipërisë me Italinë.Vendimi im është i detyruar për mjaft arsye për të cilat kam vendosur ti bëj publike në kohën dhe momentin e duhur. Nuk janë arsye të thjeshta dhe nuk kanë të bëjnë me "mosmarrveshtjet në detyre me ambasadorin të karakterit administrativ" sic përpiqet të hapin fjalë drejtues të lartë të MPJ-së. Ambasadori Llesh Kola e ka konsumuar mandatin që më 13 Korrik 2010 dhe pritet të largohet nga detyra, ndërsa unë kam vetëm një vit në detyrë, kështu që nuk kishte asnjë arsye që Ministri Meta të më largonte mua e të lejojë të qëndrojë në detyrë Llesh Kola që duhet të iki për arsyen që thashë me lart. Pas thashethemeveë kërkon të përhapë ndonjë funksionar i lartë i MPJ-se, janë perpjekjet për të fshehur aresyet dhe qëllimet e vërteta të lirimit tim nga detyra të cilat janë të karakterit politik dhe dipllomatik. Flas për marrëdhënie dipllomatike jo vetëm me Italinë por dhe me SHBA-në e BE-në. Mund t'ju them vetëm se kam 21 vite në politike e dipllomaci dhe nuk mund të pajtohem kur konstatoj se ka veprime të cilat per mendimin tim i bien ndesh të ardhmes së vendit tonë, veçanërisht në integrimin euro atlantik.

Cfare do bëni pas kthimit tuaj në Shqipëri?

Do rikthehem ne politikë. Do rikthehem në Partinë Demokristiane, në partinë të cilën e kam drejtuar për vite me rradhë dhe ku e ndjej veten shumë komod. Jam takuar me Kryetarin z. Ndoka dhe kemi biseduar gjatë. Ndajmë të dy të njëjtat shqetesime dhe jemi të gatshëm për të bashkuar të gjitha potencialet për ringritjen e Partise Demokristiane e cila doli nga zgjedhjet e fundit parlamentare duke iu cenuar vota në mënyrë aspak demokratike madje dhe në rrugë jo të ndershme. Para PDK-së janë zgjedhjet lokale. Ne kemi rreth 400 të zgjedhur në pushtetin lokal e cila përbën për në një garanci për të rritur rezultatin. Nuk kemi siguri tek administrimi i votës dhe për të garantuar një proces ku vota të mos cenohet do t’i bashkojmë forcat tona me të gjitha ato subjekte që synojnë realizimin e një procesi zgjedhor sa më të lirë e sa më të ndershëm. Lajmet e Hermesnews dhe në Facebook.





Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 658 here