8/31/2010 10:19:21 AM

Masakra ne Bratisllave. Ja precedentet

Shpesh masakra të tilla në Evropë kanë ndodhur brenda mureve të shkollës.

31 Gusht 2010
info@hermesnews.org

BRATISLLAVE/ Masakra e djeshme në një periferi të Bratislavës, që u krye nga një 50 vjeçar i cili vrau gjashtë anëtarë të një familje rome, rastësisht një person të shtatë, plagosi 14 të tjerë dhe në fund u vetëvra, ka disa precedentë të ngjashëm në Evropë këto 15 vitet e fundit. Shpesh masakra të tilla kanë ndodhur brenda mureve të shkollave.

Më poshtë vjen një përmbledhje e më të rëndave.

- 24 shtator 1995 - Francë - Në Sollies-Pont, një djalë 16 vjeçar, i ndarë nga vajza që dashuronte, vret me çekiç tre anëtarë të familjes së tij. Më pas shkon në një fshat aty pranë dhe vret me çifte dhjetë persona të tjerë, në fund i jep fund vetes.

- 13 mars 1996 - Britani e Madhe - Një 43 vjeçar i armatosur me katër pistoleta hyn në një shkollë elementare të Dunblanes, në Skoci dhe qëllon si i çmendur duke vrarë 16 fëmijë dhe një mësues. I rrethuar nga policia kryen vetëvrasje.

- 27 shtator 2001 - Zvicër - Në Zug, një 57 vjeçar hyn i armatosur në sallën e Këshillit të Lartë dhe qëllon kundër deputetëve dhe anëtarëve të qeverisë kantonale. Më pas hedh një granatë dore në sall dhe vetëvritet. Veç tij mbesin të vrarë 14 persona të tjerë. Më pas mësohet se një gjykatë kishte refuzuar denoncimet e paraqitura nga agresori për abuzime me detyrën.

- 26 prill 2002 - Gjermani - Në një lice të Erfurtit, një ish-nxënës 19 vjeçar, i cili ishte përjashtuar nga shkolla, qëllon kundër të gjithë mësuesve që i dalin përpara duke vrarë 14. Vetëvritet vetëm pasi vret një agjent të policisë dhe dy nxënëse.

- 23 shtator 2008 - Finlandë - Në një institut profesional të Kauhajokit, një student 22 vjeçar hyn në një klasë duke i qëlluar bashkëmoshatarëve të tij dhe më pas hedh një bombë molotov. Në këtë ngjarje humbën jetën nëntë studentë dhe një profesor.

- 11 mars 2009 - Gjermani - Arrin në 16 të vdekur bilanci përfundimtar i një sulmi në institutin teknik të Winnendenit, kryer nga një ish-nxënës 17 vjeçar, i cili ishte diplomuar vetëm një vit më parë.

- 2 qershor 2010 - Britani e Madhe - Një taksist 52 vjeçar vret 12 persona dhe plagos 11 të tjerë para se të vetëvritet, në Distriktin "Lake", një zonë turistike e Anglisë veriperëndimore. Lajmet e Hermesnews dhe në Facebook.

HermesNews - ©2010

Dërgo me email | Stampo artikullin | Artikulli është lexuar 138 here