8/31/2010 10:04:41 AM

Kosova apelon per 1800 te zhdukur

Në ditën ndërkombëtare të të zhdukurve, Kosova apeloi që të zbardhet fati i rreth 1800 personave të zhdukur gjatë luftes së Kosovë, para 11 vjetësh.

31 Gusht 2010
info@hermesnews.org

HN/TRTKosova apeloi në Ditën Ndërkombëtare të të Zhdukurve, që të zbardhet fati i rreth 1800 personave të zhdukur gjatë luftes së Kosovë, para 11 vjetësh. Në një ceremoni përkujtimore, zëvendëskryeministri Ramë Manaj tha se, “në Kosovë ende nuk dihet asgjë për fatin e mbi një mijë e tetëqind qytetarëve, të cilët u rrëmbyen me forcë nga policia, ushtria dhe paramilitarët serbë gjatë luftës së viteve 1998-‘99”. Ndërsa bëri të ditur se institucionet e Republikës së Kosovës e kanë shtruar në çdo instancë ndërkombëtare çështjen e të zhdukurve, duke kërkuar që të rritet presioni ndaj Serbisë, me qëllim që ajo t’i paraqesë të gjithë të dhënat që ka për secilin rast, ndërkaq shtoi ai "ne konsiderojmë se asnjë përpjekje nuk është e mjaftueshme përderisa fati i të gjithë familjarëve tanë të mos jetë i ndriçuar”. Në një deklaratë të Qeverisë së Republikës së Kosovës me rastin e Ditës Ndërkombëtare të të Zhdukurve, thuhet se, "Kosova akoma pret zbardhjen e fatit të shumë qytetarëve të saj, të cilët u rrëmbyen me forcë nga policia, ushtria dhe paramilitarët serbë gjatë luftës së viteve 1998-‘99. Në këtë ditë bashkohemi me ndjenjat dhe thirrjen e familjarëve nga e tërë Kosova për zbardhjen e fatit të të gjithë të zhdukurve”. Lajmet e Hermesnews dhe në Facebook.

HermesNews - ©2010

Dërgo me email | Stampo artikullin | Artikulli është lexuar 129 here