8/11/2010 11:38:45 AM

Durres, zbulohet fragmenti i kolektorit antik

Arkeologët kanë identifikuar fragmentin e një kolektori antik gjatë hapjes së themeleve të një pallati të ri në Durrës.

11 Gusht 2010
info@hermesnews.org

TRT/HN - Arkeologët identifikuan fragmentin e një kolektori antik gjatë hapjes së themeleve të një pallati të ri në Durrës. Fragmenti i shkëputur po instalohet në oborrin e Muzeut arkeologjik të qytetit, per ekspozimin e objekteve të lashta në këtë territor. Sipas Ateliese se Monumenteve, fragmenti me gjërësi rreth 2 m u zbulua gjatë hapjes së themeleve të një pallati të ri në lagjen 4 të qytetit bregdetar. Specialistët zhvendosën me kujdes muret e themeleve ku ishte mbështetur kolektori, si dhe të gjithë pjesën e harkuar, karakteristikë e ndërtimeve të sistemit të kanalizimeve në periudhën e kolonizimit romak të qytetit bregdetar, bënë të ditur burimet. Pjesë të këtij kolektori kanë dalë në dritë në vitet 1970 dhe në vitet 2000, gjithnjë gjatë punimeve ndërtimore përkatësisht në lagjet 2 dhe 11 të qytetit antik. Në shekullin e I-II të e.s bashkë me kolektorin në Dyrrachium u ngrit amfiteatri dhe termat antike, rrënojat e të cilave janë zbuluar në mesin e viteve 1960 nën kujdesin e arkeologut Vangjel Toçi. Muzeu i ri u përuruar në vitin 2001 dhe fragmenti i kolektorit antik është një nga objektet e para arkeologjike që po instalohet në oborrin e tij.

HermesNews - ©2010

Dërgo me email | Stampo artikullin | Artikulli është lexuar 200 here