8/10/2010 10:51:54 AM

Sarande, turizem nenujor

6 anijet ushtarake shqiptare të mbytura 200 m larg bazës ushtarake detare të Sarandës në vitin 1997 do të nxirren dhe vendosen në Ksamil, ku do të krijohet një poligon për zhytje nën ujë.

10 Gusht 2010
info@hermesnews.org

SARANDE - Nxjerra nga thellësia e ujrave e 6 anijeve ushtarake shqiptare, të mbytura 200 metra larg bazës ushtarake detare të Sarandës në marsin e vitit 1997, është misioni i anijes ushtarake amerikane "Graple", e cila u ankorua dje në mëngjes në Gjirin e Limionit, në afërsi të këtij qyteti, në jug të vendit.

Burime zyrtare nga marina e Sarandës bënë të ditur për ATSH-në, se gjatë ditës së djeshme anija ushtarake "Graple" ka nxjerrë nga thellësia e detit dy anije dhe operacioni do të vazhdojë edhe për nxjerrjen e katër të tjerave, që janë katera silurues, kateri i radës dhe ai i kufirit.

"Pasi të bëhen sërish të lundrueshme, gjashtë anijet luftarake shqiptare do të transferohen pranë ishujve të Ksamilit, ku do të krijohet një poligon për zhytje të nënujit, duke ofruar kështu një stacion të turizmit nënujor", thanë burime e mësipërme.

Të njëjtat burime bënë të ditur se "Graple" e kryen këtë operacion në kuadër të bashkëpunimit ushtarak shqiptaro-amerikan dhe në kuadër të ndihmës që pala amerikane i ofron asaj shqiptare për operacione të ndryshme, siç është edhe ai i nxjerrjes dhe i transferimit të 6 anijeve të mbytura. Lajmet e Hermesnews dhe në Facebook.

HermesNews - ©2010

Dërgo me email | Stampo artikullin | Artikulli është lexuar 238 here