7/3/2010 9:17:14 AM

Ju dha lamtumira e fundit Artistit te Merituar Beb Shiroka, aktori i shquar i skenës dhe ekranit

Familjarë, miq dhe qytetarë shkodran i dhanë latumirën e fundit artistit të shquar.

Nga Prof. Gëzim My. URUCI
Prof. GEZIM My. URUÇI - studiues i artit,
Kryetar i forumit intelektual shqiptar - Dega Shkodër

SHKODER - Sot u nda nga ne, pas një ataku kardiak, ne moshën 76 vjeçare aktori i shquar shkodran Beb Shiroka - Artist i Merituar, aktori i njohur i skenës dhe i kinematografisë shqiptare, që la një repertor të pasur skenik. Kjo e beri figurën e Shirokës, sa tërheqëse aq edhe te dashur për te gjithë spektatoret mbare shqiptar.

Beb Shiroka lindi ne qytetin e Shkodrës, me 25 Shtator 1933, ne një familje te shquar qytetare Shkodrane. Qe ne moshe te vogël ai u shqua për talentin e tij, si piktor, por edhe si recitues. Ne një olimpiade teatrale te organizuar ne vitin 1960, për amatoret, ne qytetin e Shkodrës, i tërheq vëmendjen, artistit shume dimensional, për kohen, te pa harruarit Teofik DUKA.

Ky i fundit i propozon te punoje pranë Teatrit “Migjeni” te Shkodrës, qe ne atë kohe po vinte ne skene dramën “Nora e Kelmendit”. Aty SHIROKA interpretoi me shume talent, një rol te thjeshte.

Tashme hapi ishte hedhur, ai do te fillonte një karriere te re e te suksesshme, ne rrugën e artit skenik. Duke interpretuar një galeri te pasur me personazhe nga me te ndryshmit, qe arritën ne 150 role ne teatër dhe ne mbi 20 role te ndryshme ne kinematografi.

Karriera e tij filloi me Dramën “Nora e Kelmendit” e “Histori Irkutase”, me te cilat shpërthen talenti tij, tepër origjinal, qe e beri te dashur e te mirëpritur për te gjithë shtresat e spektatoreve shkodrane dhe atyre shqiptar, e me pas duke vazhduar plot sukses me dhjetëra role te tjera, ku fitonte simpatinë dhe respektin e te gjithë spektatoreve shqiptare.

Pa dyshim, duhen veçuar interpretimet e tij brilante, tek “Çifti i lumtur” (1975) te Bik Pepes, dramën “Dasme me flamurë”, dramën “Franku u Peste” e etj. Ne te gjithë repertorin e tij ai interpretoi ne 8 drama; tre tema familjare, 1 me aksion dhe 1 romanes etj.

Këtu duhen përmendur dhe mbi 30 skenografi te realizuara nga ai me një talente dhe mjeshtri te rralle, profesionale ku pa dyshim ajo e “Çiftit te Lumtur” është një nga skenografit e tij me te arrira.

Por ai na la dhe një arkiv te pasur me piktura te jashtëzakonshme, por dhe shume ilustrime librash te ndryshëm etj, për te cilat Mjeshtri i skenës shqiptare aktori dhe regjisori i shquar Lec Shllaku thoshte, se Beb Shiroka është Mjeshtër i Skenografisë por edhe i interpretimit, atij po ti mungonte njëra nga këto elemente skena i duket e mangët.

‘Bebi e din ma mire se tane , se ku skena e don drite dhe ngjyrën, pasi ai e shikon, me syrin e piktorit dhe e gjykon me shpirtin e aktorit, te paperseritshem te cilin e lëvroj plot sukses ne këto krijime skenike’:
1. Lugina e pushkatarëve (1970) Ne rolin e Ram Sokolit. Qe eshte edhe roli i pare ne kinematografi. Duke vazhduar me pas, me te tjerat si vijon.
2. Çifti i lumtur (1975)
3. Ditët që sollën pranverën (1979) (Film Televiziv)
4. Kërcënimi - (1981)
5. Si gjithë të tjerët - (1981)
6. Besa e kuqe - (1982)
7. Fushë e blertë fushë e kuqe - (1984)
8. Kur hapen dyert e jetës - (1986)
9. Historiani dhe kameleoni - (1989)
10. Women Without Wings - (2002) .... Sigurim Chief

Roli qe do ta bënte te njohur edhe te dashur për publikun mbare shqiptare ishte ai i babait fanatik tek “Çifti i Lumtur” por edhe ai i Xhandar Veselit tek filmi “Koncert ne Vitin 1936” ku edhe këtu na shpalose një rol te kalibrit, qe “sfidon” edhe rolet kryesore, duke u bere i imituar nga shume aktor e studente te ndryshëm, nder shkolla dhe deri ne Akademinë e Arteve, pra një karakter tip.

Sukseset e tij nuk kishin te sosur, deri para dy viteve, kur publiku shkodran dhe ai mbarëkombëtar e ndoqi ne Dramën e suksesshme te Stefan Çapalitut, me titull: “Putargat e Thata” Megjithëse ne moshën 74 vjeçare ai na dhuroi një interpretim brilant e plot emocione....................... !

E askush nuk e imagjinonte se ky do te ishte interpretimi i tij i fundit, përpara atij publiku qe e adhuronte aq shume, por qe edhe e donte po aq.

Nder biseda te ndryshme ai shprehte shpesh shume mendime, ide dhe dëshira. E mbi te gjitha dëshironte te bënte një turne me Teatrin “Migjeni” Panteonin e tij shpirtëror e profesional, qe nga Shkodra ne Ulqin, Tivar, Tuz, Plave e Guci, Prishtine e Prizren te Kosovës, Shkup, Tetove e Shën Naum, Janine, Filat e Igumenice dhe interpretimin e një drame te Fadil M. Krajes, ne Amfiteatrin e Dodones, duke u kthyer ne Amfiteatrin e BUTRINTIT ne Sarande, ku edhe po te vdiste do te ishte FAQJA e BARDHE e tij.

Kurse sot ......... me dt. 02 korrik 2010. Ne hollin e Teatrit “MIGJENI” te Shkodrës, ku për vite me radhe kane ushtuar, monologët e tija, ka rene heshtja. Personalitete te shquara te elitës intelektuale te Shkodrës, kanë ardhur për ti dhënë lamtumiren e fundit mikut te tyre Bebit, njeriut te dashur dhe modest, me titullin e vetëm “Mjeshtër i Merituar”, te gjithë me fytyra te vrare, nga dhimbja për Aktorin e mrekullishëm, qe po i largohet këtij Panteoni te Kulturës tone Kombëtare.

E mes lotësh e dhimbjes dallojmë Prefektin e Shkodrës z. Maxhid Cungun, Kryetarin e Këshillit te Qarkut z. Prof. Gjovalin Kolombin, Kryetarin e Bashkisë se Qytetit te Shkodrës z. Lorenc Luka. Si edhe Dramaturgun e shquar shqiptar, Fadil Kraja, Mjeshtër i Madh, Piro Milkanin, Tinka Kurtin, Roza Anagnostin, Rikard Larja, Stefan Çapalikun, Zyliha Milotin, Paulin Preken, Merita e Fatbardh Smajen, Agron Dizdari, Kengetarin e njohur Federik Ndocin e shume aktoreve e aktoreve te shquar e te personelit te këtij teatri, me te cilët ka bashkëpunuar për vite me radhe.

Te cilët përkulen plot respekt përpara personalitetit te skenës Beb Shirokes dhe ngushëllojnë familjen e tij, ne këtë ndarje te dhimbshme, ku përshëndetjet janë te shumta por fjala e Dramaturgut Fadil M. Kraja, është prekëse dhe emocionues për mikun e tij, ai nuk i zotëron lotët. Duke na ftuar te duartrokasim per Beb Shirokën qe po largohet, mikun e te gjithëve. Po kështu prekës është edhe Mesazhi i ngushëllimit i drejtuar familjes nga Presidenti i Republikës z. Prof. Dr. Bamir TOPI, i cili shkruan:

“ Te dashur familjare te Beb Shirokës !
Ne këto momente te dhimbjes te thelle, për humbjen e njeriut tuaj te shtrenjte, dëshiroj t’ju gjendem shpirtërisht pranë, duke ju shprehur ngushëllimet e mia, me te sinqerta ! Me ndarjen e tij nga jeta, ju humbet njeriun tuaj me te dashur e me te pazevendesushem, ndërsa te gjithë artdashësit humben një nga aktoret me te talentuar e me te përkushtuar te filmit e teatrit, qe me mjeshtri e profesionalizëm skaliti figura e personazhe te pashlyeshme ne memorjen tone, duke mbetur nje nga aktoret me te mëdhenj e me te spikatur shqiptar. Edhe një here ne këto momente te vështira ndaj me ju dhimbjen e rende njerëzore, dhe ju shpreh ngushëllimet e mia me te sinqerta. “

Pas homazheve funerali me trupin e aktorit Beb Shiroka u përcoll plot respekt për ne banesën e fundit, nga shume qytetar, aktor, artdashës dhe intelektual te shquar te vendit. Sot Shkodra dhe Shqipëria humbi birin e saj, aktorin eruditin e madh, intelektualin e shquar, qe do ti mungoj shume.

Dërgo me email | Stampo artikullin | Artikulli është lexuar 651 here