6/15/2010 7:12:39 PM

Vetevritet aktori shqiptar

Bekim Fehmiu vetevritet brenda ne banesen e tij ne Beograd.

15 Qershor 2010
info@hermesnews.org

BEOGRAD (SERBI) - NUk dihen ende arsyet perse aktori shqiptar me famë botërore, Bekim Fehmiu, kreu vetëvrasje sot brenda banesës se tij në Zvezdara. Ministri i Brendshëm serb, Ivica Daçiç, tha se 'besohet se Fehmiu kreu vetëvrasje, pasi të shtënat kanë ardhur nga revolja e regjistruar në emrin e tij'.

74 vjeçari Bekim Fehmiu njihet si një ndër aktorët më të popullarizuar në Ballkan dhe bote. Ai lindi më 1 Qershor 1936 në Sarajevë. Fakultetin e artit dramatik e kreu në Beograd nga vitit 1956 deri në vitin 1960, në klasën e profesorit Mate Milosheviq.

Bekim Fehmiu u bë i famshëm me filmin “Unë kurrë nuk kam parë ciganë të lumtur”, që e realizoi në vitin 1966. Interpretoi ne filmat ''Pergjithmone Xhulia'' (1989), "Arsimi Special", "Skuadrila partizane", ndërsa famën më të madhe në Jugosllavinë e atëhershme e arriti kur luajti në filmin e huaj "Lufta e Bardhë" dhe "Mbledhësit e puplave" të Aleksandër Sasha Petrovicit, në vitin 1967, "Odisea" (1968) etj.

Ka fituar shumë çmime si, Arena e Artë në festivalin jugosllav të filmit, në Pulë, për rolin e Halil Begut në filmin "Roj". Ka qenë i martuar me Branka Petriqin, ka dy djem - Hedonin dhe Uliksin. Uliks Fehmiu, ashtu si i ati, aktor.

Bekim Fehmiu njihet si një nga personalitetet që ka lënë gjurmë në kinematografinë ballkanike. Mbi të gjitha, ai është i shquar në kontributin artistik në kinematografinë botërore. Ai u largua per here te pare nga jeta artistike në vitin 1987, kur braktisi shfaqjen për të mos luajtur më në skenat serbe.

Lajmet e Hermesnews dhe në Facebook.

HermesNews - ©2010

Dërgo me email | Stampo artikullin | Artikulli është lexuar 368 here