6/10/2010 7:28:15 PM

Çelet Shkodra Jazz Festival

Festa, e cila do të zgjasë gjatë gjithë ditëve të zhvillimit të festivalit, do ta arrijë temperaturën e saj të vërtetë mbrëmjeve, në lokalet shkodrane, ku muzikantët do të interpretojnë për publikun e qytetit.

10 Qershor 2010
info@hermesnews.org

SHKODER/ Ditën e Premte, datë 11 Qershor çelet në Shkodër edicioni i gjashtë i festivalit ndërkombëtar “Shkodra Jazz Festival” kushtuar muzikantit të madh shkodran, violinistit Rrok Jakaj. Festivali, qe do zgjase dy dite, shënon edhe këtë vit praninë e mirëpritur të muzikantëve të njohur të skenës botërore të muzikës jazz.

Artedashësit Shkodranë, si edhe të gjithë ata që do të kenë fatin të ndodhen në Shkodër keto dite, do të kenë mundësinë këtë vit të shijojnë muzikën jazz të ekzekutuar nga artistë të afirmuar të skenës botërore, si nje nga muzikantet me te rendesishem te skenes jazz spanjole ISAAC TURIENZO , por edhe nga talentet shqiptare që po afirmohen në skenën ndërkombëtare, si kitarristi e kompozitori ORGES TOÇE.

Jazz pra, por edhe kontaminime kreative të tij me flamencon e JORGES PARDO, apo me gipsy jazz të The Ockus-Rockus Band. Një dimension i rëndësishëm i festivalit do të jetë edhe këtë vit përfshirja aktive e qytetit dhe qytetarëve të Shkodrës, të cilëve do tu jepet mundësia të dialogojnë me festivalin përmes talk-show-t muzikor të organizuar në rrugën historike Kolë Idromeno.

Artistët e përfshirë në këtë projekt ambicioz do të vihen gjithashtu në shërbim të brezit të ri të muzikantëve Shkodranë që po formohen në shkollën e muzikës, ku do të organizohen mësime kushtuar jazz-it.

Ashtu si edhe në edicionet e kaluara, nuk mund të mungonin shfaqjet në tempullin e muzikës Shkodrane, Teatrin Migjeni, ku do të zhvillohet koncerti në 11 Qershor ora 18:30.

Shkodra Jazz Festival është një event i ideuar dhe organizuar nga Shoqata Kulturore “Rrok Jakaj”, në bashkëpunim me “Optional Music International”.
Sponsor kryesorë të këtij edicioni janë: Ministria e Turizmit, Kultures, Rinise dhe Sporteve, Bashkia e Shkodrës, Ambasada Spanjolle në Tiranë, Ambasada Austriake në Tiranë, Agjencia Spanjolle e Bashkepunimit Nderkombetar per Zhvillim, Energji Ashta, Millennium. Lajmet e Hermesnews dhe në Facebook.

HermesNews - ©2010

Dërgo me email | Stampo artikullin | Artikulli është lexuar 234 here