6/7/2010 10:49:47 AM

Diplomacia, arti i panjohur i Ambasadorit Shqiptar në Itali

Shqipëria ka nevojë për njerëz që të dinë ta përfaqësojnë me mire jashtë kufijve.

nga Paolo PICCI/ Analist
paolopicci@yahoo.it
7 Maj 2010
Lexo versionin ne italisht

ITALI/ Në weekend-in e kaluar një i ashtuquajtur 'scoop' shpërtheu në lidhje me postin e Konsullit Honorar për Shqipërinë në Piemente Giovanni Firera. Fatkeqësisht, me pasojat e një mekanizmi të një gazetarie të sëmurë, nën presion dhe mungesë profesionalizmi, lajmi u përhap dhe në web deri tek kanali televiziv i njohur shqiptar Top Channel, duke rritur përtej kufinjve ‘baltën’ që u përpoqën të hidhnin jo vetëm mbi Konsullin e Shqipërisë në Piemonte Giovanni Firera, por dhe për punën e tij në shërbim të shqiptarëve dhe të gjithë vendit.

Gjithçka filloi me një artikull të publikuar në një gazetë online në gjuhën italiane, OkNovara, që ishte nisur nga një deklaratë e Konsullit të Përgjithshëm të Shqipërisë në Milano Nausika Spahia. Si pasojë lajmi u hap me një titull që ka të gjitha ekstremet për denoncim penal, nga nja gazetë shqiptare online në gjuhen italiane Albania News, ku ndërhyn dhe Ambasadori Shqiptar në Romë S.E Llesh Kola. Në të dy artikujt shfaqen deklaratat e Z. Giovanni Lauria, përgjegjës zyre në Torino për Dhomën e Tregtisë dhe Industrisë në Tiranë.

Po cili është thelbi i gjithë kësaj çështjeje, të cilën autoritete të tilla e ndjenë për detyrë ta publikonin dhe në media? Në artikull thuhet që mandati i Konsullit Honorar në Piemonte kishte skaduar, por megjithatë ai vazhdonte të impenjohej në aktivitete dhe projekte bashkëpunimi ndërmjet institucioneve shqiptare dhe italiane, dhe e gjithë kjo bëhej për interesa apo fitime private dhe në mungesë totale të dijenisë së organeve kompetente. Duke shtuar se, gjate mandatit te rregullt, Konsulli Honorar kishte ushtruar detyrën e tij jashtë zonës se kompetencës që do mund të ishte vetëm provinca e Torinos dhe jo krejt rajoni i Piemontes.

Si fillim, dua ta copëtoj lajmin e ashtuquajtur, duke filluar veçanërisht nga fakti i fundit. Mandati i perfaqsise se Konsullit Honorar Firera ka si kompetence komplet rajonin e Piemontes. Fakti se, mandati i të gjithë konsujve të tjerë honorar përfshin vetëm provincën nuk nënkupton që ky është një ligj universal. Pse e mbështes këtë?

Sepse kemi një posedim një dokument qe e tregon, dhe që secili mund ta kishte në dorë, vetëm duke iu drejtuar Ministrisë se Jashtme Shqiptare, kompetente për këtë rast.

Përsa i përket skadimit të mandatit pas pesë vitesh, kjo për ligj nuk është e fiksuar, përkundrazi, aty thuhet qartësisht se aktivitetet mund te ushtrohen ligjërisht deri ne heqjen e mandatit, që bëhet vetëm nga Ministri i Jashtëm, përmes një komunikimi me shkrim që i drejtohet konsullit Honorar të revokuar, dhe autoriteteve italiane. Për këtë fakt nuk ka asgjë gjurmë.

Në të njëjtën kohë C.O. Firera ka vazhduar të pritet shumë herë, gjatë ushtrimit të aktivitetit te tij zyrtar, nga autoritetet më të larta institucionale, dhe nga Ministrat e Republikës së Shqipërisë, përfshi dhe Ministrin e Jashtëm Ilir Meta së bashku me autoritetet kompetente për konsullatat. Duket e vështire të besohet, se autoritete të tilla mund të kishin qenë kaq të pakujdesshme sa të mos e dinin që Firera nuk ishte më në detyrë, nëse kjo do të ishte e vërtetë.

HermesNews pati mundësi të merret dhe të hetojë për këtë që në kohën e të ashtëquajturit skadim-mandati dhe nga burimet ministeriale diplomatike shqiptare arriti të marrë informacionet te cilat na thane se, mungesa rinovimit te këtij mandati zyrtarisht është një çështje teknike dhe burokratike dhe qe megjithe këtë nuk ishte e domosdoshme. Për këtë fakt nuk kishim publikuar asgjë, vetëm sepse nuk ishte, dje ashtu si dhe sot, një lajm me interes të përgjithshëm.

Kjo, megjithatë ne çon direk te bëjmë disa analiza. Interesi ynë për këtë rast lindi sepse, që prej asaj kohe (dy vite më parë), dikush kishte filtruar zërin e skadimit të mandatit te C.O. Firera; një tentative për te delegjitimuar dhe që u çua përpara nga po këto tre persona që duket qartë se i kanë dhënë shtyse artikujve të sotëm.

Motivet për këto manovra janë te errëta për dy prej tyre, ndërsa janë më të qarta për Z. Lauria, i cili që prej asaj kohe dukej se ishte autokandidat për të zëvendësuar Firera-n në këtë detyre (konsullit). Kur operacioni dështoi, Lauria-s iu dha një rol në zyrën e përfaqësisë së Dhomës se Tregtisë dhe Industrisë se Tiranës ne Torino që u krijua pikërisht për këtë, dhe u prezantua publikisht në qëndren piemontoze me rastin e vizitës së Presidentit te Shqipërisë Bamir Topi, në Tetor te 2008-tes.

Ne atë kohe (tetor 2008) vizita ne Torino ishte organizuar nga C.O. Firera, fale punës te te cilit, ne prezencën e Presidentit te Republikës Topi, u firmos një marrëveshje e rëndësishme bashkëpunimi mes Rektorit te Universitetit te Tiranës dhe Torinos. Sipas rindërtimit imagjinativ gazetarest te artikullit qe citova ne fillim, mandati i Firera-s që prej asaj kohe ishte i skaduar. A është e mundur që, autoritet më të larta shqiptare nuk ishin në dijeni të kësaj?

Meqë qartësuam dhe interesim e Lauria-s ne këtë çështje, mbetet natyrisht e pamundur te kuptojmë motivin që ka shtyrë Ambasadorin Shqiptar në Romë Kola dhe Konsullin e Përgjithshëm te Milanos që të delegjitimojnë Fireran, kësaj here ne një mënyrë shumë brutale, duke frymëzuar artikuj-hije dhe reportazhe ne mediat-mike.

Për ato qe ndjekin çështjet e shqiptareve në Itali qe prej disa kohesh, armiqësia e Ambasadorit kundrejt C.O. Firera nuk është me sekret. Por te bën gjithsesi përshtypje kur sheh duke përdorur metodat e një njeriu që bën politike pa stil, në një mënyrë shume vulgare dhe te papërshtatshme, që nuk ka të bëjë aspak me artin e diplomacisë, qëllim për të cilën janë në Itali.

Të tjera duhej të ishin mjetet dhe instrumentet që të dy diplomatët duhej të punonin, përmes kanaleve zyrtare, për të marrë mandatin e titujve të Firera-s. Por, por të merrnin rrugën e diplomacicë, do t’u duhej të justifikonin motivet pse duhej ta bënin këtë, ndërsa puna e Konsullit Honorar ka qene gjithnjë e paprekshme, aq sa, dhe tek artikujt e helmuar, nuk u mund te gjendet qofte dhe një kontestim për këtë.

U preferua nga ana tjetër të hidhej baltë, pa marrë parasysh faktin që, për të goditur kundërshtarin personal u provokua një dëm i madh për imazhin e Shqipërisë dhe institucioneve të tij, duke invaliduar punën e bërë për vite me radhe e të vënë në shërbim të shqiptarëve në Itali, dhe Italisë e Shqipërisë nëpërmjet bashkëpunimeve te rëndësishme. Krejt e kundërta e asaj qe pritej nga një Ambasador, iu dha opinionit publik shqiptar dhe italian një shfaqje diletantizmi te cilën Shqipëria prej kohesh po përpiqet ta fshije për të treguar se është një vend ne te cilin ia ven të investosh, të ndërtosh dhe te impenjohesh në bashkëpunime fitimprurëse ne fushën sociale dhe ekonomike.

Shqipëria dhe shqiptaret duan te hapen me botën, duan të integrohen me tituj të plotë në komunitetin ndërkombëtar, por, për ta bërë këtë duhet krijuar një klasë drejtuesish të përgjegjshëm, që të dijë të respektojë rolet e tij dhe punën që bëhet në të mirën e përgjithshme. Fondamentale është, të zgjidhet mirë, se kush e prezanton Shqipërinë jashtë kufijve te saj. Lajmet e Hermesnews dhe në Facebook. //Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.//

Dërgo me email | Stampo artikullin | Artikulli është lexuar 1184 here