5/14/2010 12:03:21 PM

Fuqia e shikimit

Per grate ne karriere/ Mos ulni sytë para askujt! Personat që evitojnë shikimin tone, kur i kemi përballë, janë ata qe kane diçka për te fshehur.

Doriana Metollari
drejtor@hermesnews.org
14 Maj 2010

Ka shumë arsye pse hezitojmë t’i shohim te tjerët ne sy. Për disa kultura si psh ato arabe, ulja e shikimit poshtë është një shenje respekti ndaj dikujt qe është më i madh ne moshe, ose qe ka një pozicion më të lartë në detyrë, por e vërteta është se, shikimi ka një fuqi që ju mund ta përdorni me mire sesa kaq.

Sipas një studimi amerikan, personat qe evitojnë shikimin tone, kur i kemi përballë, janë ata qe kane diçka për te fshehur. Fëmijët ulin gjithnjë shikimin poshtë, kur nuk duan te thonë te vërteten ose kur kane bere diçka qe e dine se ne do ti bërtasim.

Kur një grua ul shikimin do te thotë se është ne siklet ose është tejet e pasigurte. Nëse sytë janë pasqyra e shpirtit, atëherë duhet t’i përdorni për t’i lejuar te tjerët te shohin ndershmërinë tuaj, sigurinë dhe kompetencat qe keni ne pune, apo për te vëzhguar ato te dikujt tjetër.

Këto sjellje janë shumë te dukshme ne televizion, kur gazetaret e mëdhenj intervistojnë personazhe te ndryshëm. Vini re se si i shohin drejt e ne sy, sidomos kur kane një pyetje te vështirë për ti bere. Ne po te njëjtën mënyrë do te vini re se kur i intervistuara është ne siklet, ose zihet ne befasi, ul shikimin. Duke e pare tjetrin ne sy, një gazetar i mire e kupton se çfarë po i kalon ne mendje tjetrit dhe ne baze te kësaj bën gati pyetjen tjetër. Por sigurisht nuk është e thënë te jeni gazetare televiziv për te shfrytëzuar fuqinë e shikimit.

Prandaj,

Kur shikoni ne kinema vini re sesi personazhet femra, sidomos ato me te mirat, shfrytëzojnë shikimin për te thënë një mesazh te forte. Nëse dikush ju thotë se keni tendence te fiksoni te tjerët merrni ves ta drejtoni shikimin pak me anash, kur po mendoni për përgjigjen. Kjo gjë krijon një interval mjaft te gjate dhe nuk e ve ne siklet personin qe keni përballë, por kur përshëndesni dike sigurohuni qe ta shikoni ne sy, kjo gjë ju ve ne te njëjtin nivel me personin tjetër.

Përgjigjuni pa kërkuar leje

Është mire qe te përgjigjeni dhe pa kërkuar leje dhe pa thënë ‘me fal’, ‘ka mundesi?’, ‘ju lutem’.. etj etj. Vini re, meshkujt nuk e bëjnë këtë. Ata janë te prirur ta marrin fjalën dhe pa kërkuar leje. Për gratë me tepër sesa nevoje, është një lloj zakoni qe e kane te rrënjosur qe ne fëmijëri.

Të kërkosh leje do të thotë ne vetvete te japësh një mesazh pasigurie për tjetrin. Në ditët tona këtë gjë e presin nga fëmijët jo te rriturit. Te kërkosh leje për të bërë diçka, pa e bere akoma, do te thotë ne te vërtetë te ulesh mundësitë për tu akuzuar me pas nëse diçka nuk shkon si duket.

Një lloj frike e brendshme për te mos qene ne qendër te akuzave dhe kështu do te jeni te shfajësuar me tepër para te tjerëve. Gratë kërkojnë leje dhe për gjerat me minimale dhe kjo nuk shkon. Pavarësisht nga pozicioni juaj, keni te drejtë te jeni te pavarura dhe te ndërmerrni iniciativa tuajat, sigurisht brenda një limiti te caktuar te cilin duhet ta identifikoni, por njëherë qe e keni bere këtë mos kini frike te hidheni. Kjo do t’ju japë me tepër siguri dhe hap rrugën për karriere. Një person qe është ne një pozicion me te larte sesa ju, do te ketë afër njerëz qe dini te veprojnë ne mënyre te pavarur.

Kjo nuk do te thotë qe mund ta ta ekzagjeroni me këtë lloj sjelljeje sepse do te bëheni e padurueshme. Informoni te tjerët për qëllimet qe keni, por mos u kërkoni leje. Psh: ne vend qe ti thoni: ‘A mund te punoj ne shtëpi nesër’? thoni: ‘.. nesër do te doja te punoja ne shtëpi’. Kështu do te merrni ne dore situatën, dhe nuk do t’u lini shume hapësirë te tjerëve te komandojnë ne punën tuaj. Lajmet e Hermesnews dhe në Facebook.

HermesNews - ©2010

Dërgo me email | Stampo artikullin | Artikulli është lexuar 335 here