5/7/2010 12:14:42 PM

Të mendosh si europian

Disa pyetje që nuk bëhen çdo ditë...

TIRANË - Në një raport të publikuar para disa ditësh nga USAID, thuhet se korrupsioni në Shqipëri ka ardhur në rritje, flitej për vitin 2010. Lajmi u dha pas pyetjeve që iu bënë qytetarëve shqiptare të cilët kishin renditur disa prej kategorive si ministra, deputetë, doganierë dhe mjekë si më të korruptuarit e një sistemi që i mire apo i keq, jetojmë çdo dite. Por nuk dua te flas me për këtë. Po ndalem ta shoh, ne një pikeveshtrim tjetër.

Ata qe kane dalë jashtë guvës së gjumit letargjik dhe kanë filluar ta konsiderojnë veten pak me shume nga ç’duan të tjerët, kane ende shumë pyetje për të bërë, pyetje që i kalojnë kufijtë e raporteve. Nuk e vë në dyshim vërtetësinë e shifrave, por dua t’i jap më shumë hapësirë ‘mendjeve të lira’, debatit konstruktiv, atyre që cilat vëzhgojnë detajet, zbulojnë fjalët që nuk thuhen, nxjerrin faktet që harrohen.

Unë tani po pyes diçka ne emër te kësaj pjese te opinionit publik. Vjen një moment kur njeriu fillon e lëviz nga hendeku ku ka rene dhe prej këtu fillon ta shohë boten për herë të parë, me të gjitha sfumaturat e saj: e kupton se realiteti është shumë më ndryshe; se nuk ekziston vetëm një e vërtetë; se ta bindesh vetëm për këtë, do të thotë në radhë të parë t'a kufizosh atë.

Nuk jemi i pari dhe as i fundit shtet ne Ballkan me korrupsion. Korrupsioni është i vjetër sa e gjithë bota. Ai vetëm ka evoluar me kalimin e viteve, tjetërsuar, është bërë më i sofistikuar për vendet që kënë dhjetëra, qindra vite demokraci, por kurrsesi nuk ka humbur vlerën e tij të parë manipulimin e vlerave dhe mediat ne këtë rast, flas për atë pjesë që kufizohet vetëm ne raportimin e të dhënave, pa bere asnjë pyetje, po kthehen në një mjet të rëndësishme në këte proçes. Pse?

Sepse nuk flitet me për Gërdecin, përveç disa seancave nëpër gjyqe që nuk bëjnë gjë tjetër vetëm shtyhen ditë për ditë. Heshtet për trafikun e armeve në Shqipëri për të cilën shkroi News York Times, që përmendi dhe Ambasadorin Amerikan në Tiranë i cili sot bën thirrje pro dialogut politik dhe denoncon korrupsionin në vend.

Ashtu siç hetohet niveli i korrupsionit nëpër institucione shqiptare, pse nuk raportohet dhe për nivelin e trajtimit, profesionalizmit apo korupsionti nëpër Ambasada apo Konsullata e huaja në vend? Pse nuk pyeten qytetarët për këto institucione të huaja?

Këto janë disa pyetje që bën një qytetar si unë dhe si ju. Një njeri që fillon të mendojë si europian, duke ia kërkuar në radhë të parë vetes të drejtën për të hyrë në Europë. Sepse kur ne të bindemi për këtë, kur ne të fillojmë të mendojmë si njerëz të lirë, politika është e detyruar të na përshtatet. Kjo do të na forcojë mendjen dhe do të na sigurojë që në të ardhmen brezi i ri të mos përsërisë gabimet tona. Lajmet e Hermesnews dhe në Facebook.

HermesNews - ©2010

Dërgo me email | Stampo artikullin | Artikulli është lexuar 633 here