4/26/2010 11:49:13 AM

Shqiptaret e jugut tashme me kombesi greke

Zgjohesh shqiptar ngrysesh grek

Laureta Roshi
lauretaroshi@hotmail.com
26 Prill 2010

SARANDE- Në Sarandë ka rritje të numrit të proceseve gjyqësore ku ndryshon kombësia, nga shqiptare në greke, duke përfituar edhe nga e drejta e fëmijëve për marrjen e kombësisë së njërit prind, ndërsa përfituesit e ndryshimit të kombësisë janë në moshë madhore. Në listën javore të gjyqeve rezultojnë ne 5 ditë gjykim tetë cështje për ndryshimin e kombësisë në Lukovë, në Delvinë, Sarandë e Livadhja.

Ardiani i bërë Vasil, tani ka dhe kombësinë greke. Si Ardiani janë dhjetëra raste pasi të ndryshosh kombësinë është shumë e lehtë , mjafton hapja e një padie në gjykaten e Gjyqësorit Sarandë dhe nga shqiptar shndërohesh në grek. Sulejmani i Vezires i rritur si shqiptar tashmë si gjysh rezulton me vendim gjykate me kombësi greke. Duket se patriotizmi merr fund për interesat e punësimit apo të përfitimit financiar (pension mujor i dhënë nga shteti grek) në rastin e të qënurit me kombësinë e fqinjit. Gjykata e Sarandës në asnjë rast nuk ka rrëzuar ndonjë kërkesë për ndryshimin e kombësisë.

Në pikën 7 ligji 10 1029 dt 11 maj 2009 për gjendjen civile është një pikë ku përcaktohet se ndryshimi i kombësisë bëhet vetëm me vendim gjyqësor, duke u thirrur, në cdo rast, si palë në process shërbimi i gjëndjes civile, dhe kur kombësia ka qënë e përcaktuar përkohësisht ose kur është bërë një gabim material.

Proceset e ndryshimit të kombësisë janë të vetmet procese në gjykatën e Sarandës që përfundojnë në kohë record pa zvarritje dhe me të gjitha palët të kënaqura! Përfitimi momentit përflitet për sa kohë mbi këto dosje nuk është ushtruar asnjëherë kontroll. Ndërkohë me marrjen e vendimit për ndryshimin e kombësisë nga një individ të gjithë anëtarët e trungut familjarë e fitojnë të drejtën ta riparaqesin këtë vendim dhe të ndryshojnë kombësinë e tyre ne vazhdimesi nga shqiptarë në grek.

Ndryshimi i kombësisë nga gjykata nuk është shndërruar asnjëherë ne debat publik ku të mbrojtur nga ligji janë vetëm fëmijët. Dhe prindërit kanë nisur i përdorin jo pak fëmijët në rastet e përfitimeve të lehtësirave në lëvizje apo mbështetje financiare nga të huajt. Klasa e mësimit në greqisht dhe shqip në shkollën publike nuk ka vetëm fëmijë minoritarë, pasi shumë prindër të vetdeklaruar grekë shohin shumë lehtësira në arsimimin e fëmijëve që në fillore me greqishten. Përpjekjet për hapjen e shkollave private greqisht nuk rreshtin as në zonat e që nuk banohen nga minoritarë.

Në Nivicë të Lukovës, me ftesë të kishës vjen dhe meshon greqisht prifti i Patrës, At Sotiri. Pak e kuptojnë greqishten e tij, në turmën ku mungojnë banorët dhe dominojnë nxënësit e hequr nga mësimi për të dëgjuar meshën dhe për t ju gëzuar dhuratave në qese plasmasi me karamele, kryqe e shenjtorë të shkruar greqisht. Prifti i kishës Aleksandër Mëhilli e shoqëron mysafirin nga Patra në meshën e Pashkëve, një ditë pas festës fetare dhe ku nxënësit ishin nxjerrë nga mësimi për të shkuar në kishën ngjitur me shkollën.

Përdorimi i fëmijëve nga prindërit bëhet në mënyrë publike edhe në qëndër të Sarandës ku në Asamblenë e Johovajve u deklarohet solemnisht se fundi i botes po vjen. Në turmën e rrallë të ulur në karriget e sallës së teatrit të qytetit, ka plot voglushë nga ata në karroca deri te ata të ulur afër nënës së papunë, dhe me sytë e fiksuar në boshllëk ndjekin predikimin me një shqipe të mësuar muajt e fundit, se botës po i vjen fundi! Të pyetur, drejtuesit e ansamblesë speciale një ditore thonë se prania e fëmijëve është më mirë ku janë prindërit e tyre ndërsa harrojnë se fëmijët nuk janë madhorë për zotësi juridike,dhe të rriturit duhet ti mbrojnë. Voglushët mezi presin të dalin dhe sërish refreni vazhdon, aty në qendrën e Jehovajve përballë komisariatit të policisë.

Jashtë sallës është ditë me diell dhe me turistë që vizitojnë qytetin ndërsa brenda fëmijët i nënshtrohen presionit se koha qe mbetet është shkurtuar dhe shpëtimi është afër..Në Sarandë nuk mungojnë kopshtet greqisht, kursi i greqishtes nga kisha, kisha evangjeliste, jehovaj, kurset në xhami, teqeja e ringritur..duket si një rrekje për tërheqjen e fëmijve në këto grupime ndërsa mungojnë grupimet qytetare për disa terrene sportive për fëmijët, për ndonjë pishinë publike, apo programe sociale.

Në fakt patriotizmi të krijon krenarinë për mundësitë që krijon vendi për shtetarët, bashkombasit dhe minoritetet e shtuar ndjeshëm së fundmi. Në jugun e ngrohtë në Sarandë cudirat fitojnë monotoninë nën zërin e hoxhës nga magnetofoni në minare dhe rregulli i kishës nën kujdesin e Janullatosit, përballë pyetjes, individë të nështruar apo qytetarë në demokraci. Lajmet e Hermesnews dhe ne Facebook. Te tjera/ Sondazh

HermesNews - ©2010

Dërgo me email | Stampo artikullin | Artikulli është lexuar 589 here