3/29/2010 1:24:54 PM

Protesta dhe dëmshpërblim

Protestat nuk mund të kenë asnjë efekt nëse dikush nuk do t'i prek xhepin shtetit grek.

Doriana Metollari
29 Mars 2010

SHKODER - Protestave që organizoi lëvizja mjaft në Tiranë, Durrës e Burrel, i shtohen dhe ato te qytetit te Shkodrës, ku sot u mblodhën para Universitetit ‘Luigj Gurakuqi’ studente dhe banore te zonës. Protesta erdhi si përgjigje te thirrjeve antishqiptare qe hodhën ushtaret greke gjate paradës se ushtrisë ne Athine. Gjate protestës se sotme ne Shkodër, studentet mbanin ne dore pankarta kundër racizmit te shfaqur nga ushtria greke me ane te thirrjeve 'do qepim rroba me lëkuren e shqiptareve'.

Protesta dhe dëmshpërblim

Thirrjet antishqiptare qe beri ushtria greke, ishin vetëm te fundit. Nuk është e re për opinionin publik shqiptar reagimi i ushtareve greke, qoftë nëpër parada, ushtrime stërvitore apo akte te ndryshme raciste neper qytet.

Por meqë jemi tek aktet raciste dhe Greqia bën pjese ne Bashkimin Europian, me lind ne mënyrë spontane një pyetje: Pse shteti shqiptar nuk i drejtohet gjykatave, qofte atyre Europiane për t’i kërkuar dëmshpërblim shtetit grek, meqë ka ne duar te gjitha ekstremet për t'a bere dhe për te vene ne vend dinjitetin e vendit? Ato persona nuk vepruan ne mënyrë te izoluar sepse mediat i publikuan dhe prova ka sa te duash.

Protestuam dhe herët e tjera dhe askush nuk lëvizi gishtin për te dënuar kënd; kjo ka vetëm një arsye. Askush ende nuk u ka prekur xhepin.Shqiptaret mund te protestojnë sa te duan, por me akte te tille mund te përballen përsëri nesër.

Ndryshe do te ishte, nëse shteti shqiptar i drejtohet gjykatës për t'i kërkuar demshpermblim. Kur ky i fundit do te detyrohet te nxjerre ca miliona euro nga xhepi ne një kohe krize si kjo, herën tjetër, Ministria greke e Mbrojtjes nuk do te beje me një vesh shurdhër, dhe ushtaret do te mendohen mire para se te marrin neper kembe dinjitetin e një kombi dhe me kete rast i tregojme europës se ne dimi t'i zgjidhim çështjet ne menyre civile.

HermesNews - ©2010

Dërgo me email | Stampo artikullin | Artikulli është lexuar 479 here