3/20/2010 11:22:24 AM

Roli i vërtetë i gazetareve po kthehet ne një ‘luks’ që shumë nuk mund t’ia lejojnë me vetes

PS, tërhiqet nga 'komisioni për hetimin e zgjedhjeve'. PD, 'rezistencë e dobët'. Luftë për të treguar muskujt, apo për të mbrojtur interesat e qytetarëve?

TIRANË - Deputetët e PS-së u tërhoqën dje nga nisma për hapjen e kutive te votimit megjithëse u mazhoranca votoi (me 73 vota pro) 'Komisionin hetimor mbi transparencën e zgjedhjeve'. Kreu i grupit parlamentar socialist Gramoz Ruçi kishte kërkuar qe ‘..maxhoranca te beje kërkesë tjetër dhe pastaj te votoje për ngritjen e komisionit hetimor për hetimin e zgjedhjeve’, meqë mungonte nisma ligjore, por Topalli hapi votimin dhe deputetet e PD-së, votuan për Komisionin e kërkuar nga opozita, pa kushtet e saj.






Prapa kuintave/ Pas muajsh të tërë debate dhe replika, energji te harxhuara kot, dhe media që iu dedikonin pjesën më të madhe të edicioneve euforive te liderëve tanë politik, dje Kuvend miratoi të ashtuquajturën ‘game over’ sipas porosive te të huajve. Sigurisht që politika dhe Europa nuk e mori vesh dje lajmin për këtë miratim dhe as që opozita do te tërhiqej nga kërkesa e saj për hapjen e kutive, sepse kjo loje mund të ishte vendosur më parë, kuptohet pa praninë e kamerave dhe kjo manovrim i opinionit publik është diçka që gazetaria nuk duhet t’ia lejoje askujt. Dhe lojën e tyre e ndoqi që në momentin kur, iu dha pjesën më të madhe të minutave nëpër edicionet e lajmeve në kohën kur miliona qytetare kane probleme jetike për te zgjidhur. Media udhëheq ndryshimet në një vend demokratik, por roli i vërtetë i gazetareve po kthehet ne një ‘luks’ që shumë nuk mund t’ia lejojnë me vetes.

‘Rezistenca’/ Jo më kot, K/parlamentarja Jozefina Topalli, këtë votim e komentoi si një 'realizim, pikë për pikë të asaj që tha Komisionari Europian, Stefan Fule', por qe fund te fundit sipas saj kjo ishte 'rezistenca e socialistëve', që 'për muaj të tërë kërkuan transparencën, por kur erdhi momenti i duhur, u tërhoqën'.

Ajo që sot intereson më tepër, është dominimi i kundërshtarit politik, ajo qe unë po e quaj ‘lufte e vogël’ e kufizuar nga interesa te ngushta. Nuk është pare qe opozita dhe pozita te debatoje për pyetësorin, për liberalizimin e vizave, jo, kjo i intereson vetëm..le te themi 3 milion shqiptareve. Ajo që është e domosdoshme për të ruajtur pushtetin, është dominimi i tjetrit, sepse dialogu demokratik dhe debati konstruktiv nuk përballohet dot, çfarë do te thotë se Shqipëria ka politikane realisht të dobët.

Shqipëria sot ka njerëz qe duan te ‘komandojnë vetëm’ sepse ndryshe humbasin pushtetin, me një fjale ‘diktature e pastër. Kundërshtari politik sot është ‘armik’ dhe nuk shihet si një njeri qe mund te ketë vetëm ‘ide ndryshe' dhe ia vlen te ulesh dhe t’i vesh ne diskutimin bindjet tuaja. Mungesa e dialogut, sjell diktature dhe diktatura prodhon fobi ndaj gjithçkaje qe është ndryshe nga ti. Kjo fatkeqësisht mpin modelin evropian te demokracisë dhe cilësinë e jetës. Kur flas për cilësi jete, nuk e kam fjalën për luksin e shfrenuar. Është njësoj sikur te pohosh qe një person është modern dhe i emancipuar vetëm sepse ka veshur një minifund të modës se fundit, apo një kostum firmato. Për fat te keq ky është modeli i fundit për të cilin një qytetari europiane ka nevoje, dhe në Shqipëri është koha ti themi mjaft. Njeriu i forte është ai qe lufton me forcën e ideve, ndryshe kthehet në diktator.




Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 437 here