3/16/2010 4:33:43 PM

Athina pret ndihmen nga BE-ja

Bashkimi Europian nuk ka miratuar ndonjë paketë ndihmash për Greqinë, që vuan nga kriza e borxheve.

16 Mars 2010
info@hermesnews.org

ATHINE (GREQI) - Bashkimi Evropian nuk ka miratuar ndonjë paketë ndihmash për Greqinë, që vuan nga kriza e borxheve. Ministrat e Ekonomisë dhe të Financave të Eurozonës, në takimin që patën në Bruksel, nuk arritën asnjë kompromis në lidhje me paketën e shpëtimit, për të cilën Athina është në pritje. Kryetari i Grupit Euro, Kryeministri i Luksemburgut, Jean-Claude Juncker, tha se për paketën e shpëtimit të Greqisë kanë për të vendosur kryetarët e shteteve dhe të qeverive të Bashkimit Evropian. Juncker, gjithashtu theksoi se në rast se masat, që do të marrë qeveria e Athinës, nuk kanë për të bindur tregjet, atëherë Eurozona do të veprojë me shpejtësi dhe në koordinim për vendosjen e stabilitetit financiar.

HermesNews - ©2010

Dërgo me email | Stampo artikullin | Artikulli është lexuar 128 here