3/12/2010 1:12:00 PM

Gati grupi i punës për hartimin e statusit të minatorit

Tre ditë më parë përfaqsuesi i minatorëve Fiqiri Xibri kishte kërkuar për të disatën herë hartimin e statusit të minatorëve.

12 Mars 2010
info@hermesnews.org

TIRANË - Grupi i punës për studimin e statusit te minatorit është gati ne Ministrinë e Ekonomisë, Tregtisë dhe Energjetikes. Kjo synon ti japë fund mbase një konflikti tashme të stërzgjatur mes Qeverise dhe Sindikatës se Minatorëve. Tre ditë më parë përfaqësuesi i saj Z. Fiqiri Xibri ne një interviste ekskluzive për Hermesnews, kishte denoncuar pagat e ulëta te minatorëve dhe kërkoi mbi të gjitha hartimin e statusit te minatorit. Grupi i punës është ngritur në baze të urdhrit te Kryeministrit nr. 28. Date 5.2.2010 “Për ngritjen e grupit ndërinstitucional te punës për Statusin e Minatorit”, dhe kryesohet nga zv/Ministri Neritan Alibali. Ne përbërje te këtij grupi janë dhe funksionare te larte te METE, përfaqësues nga Ministria e Financave, Ministria e Punës, Ceshtjeve Sociale dhe Shanseve te Barabarta, Ministria e Drejtësisë, Agjencia Kombëtare e Burimeve Natyrore dhe Instituti i Sigurimeve Shoqërore. Grupi i punës, do t’i paraqesë K/Ministrit propozimet këto mundësi, se bashku me aktet e nevojshme ligjore dhe nënligjore lidhur me Statusin e Minatorit.

HermesNews - ©2010

Dërgo me email | Stampo artikullin | Artikulli është lexuar 165 here