3/2/2010 8:11:25 PM

Izolohet me hekura pika kufitare e kakavijes

Territori i Doganës së Kakavijës vihet nën vëmendjen e disa kontrolleve nga shërbimi europian doganor dhe nga ekipet kontrollit të misionit policor europian MAPE.

Piro Nase/ Gjirokastër
2 mars 2010

GJIROKASTËR - Një gardh hekuri rreth 1 metër i lartë ka izoluar plotësisht territorin doganor dhe atë policor ku me etiketimin 'standart europian' quhet zona e kontrollit doganor nga pjesa tjetër ku janë instaluar të gjitha shërbimet e nevojshme për tregtarët dhe udhëtarët, si prsh filijalet e bankave, pikat e lëshimit të siguracioneve, baret dhe fast-food-et.

Prej dy javësh territori i Doganës së Kakavijes është vënë nën vëmendjen e disa kontrolleve nga shërbimi europian doganor dhe nga ekipet kontrollit të misionit policor europian MAPE.

Në fokus të këtyre kontrolleve janë respektimi i standarteve ligjore shqipatre dhe te KE-së për procedurat e kontrollit, territorin dhe zonën doganore. Për të përshtatur territorin e Doganës së Kakavijes me këto standarte, zona e kontrolllit doganor është rrethuar me një 'gardh' duke e veçuar nga godinat e shërbimeve private, pasi kjo pjesë e territorit që quhet 'Zona e kontrollit doganor' ku veprojnë dhe kryejnë procedurat e tyre autoritetet doganore për kontrollin fizik dhe formaliteteve dokumentare për mallrat që importohen apo eksportohen, sipas 'standartit' europian duhet të jetë e izoluar nga të gjitha veprimtaritë private.

Një drejtim tjrter i përshtatjes së procedurave shqiptare me ato europiane është edhe adaptimi i parimit europian 'një ndalesë një kontroll', që do të thotë që çdo automjet, apo udhëtar që ndalojë vetëm një hërë brenda 'zonës së kontrolllit doganor' dhe gjatë kësaj ndalese kryhen të gjitha kontrollet e pasaportës, dokumentacionin e automjetit, kontrolli fizik dhe çdo lloj kontroll tjetër.

Në kuadrin e këtyre ndryshime bëjnë pjesë edhe vendosja e doganierëve dhe policëve në të njëjtën pikë kontrolli, organizimi i ri i parkingut të doganës, parkingut të automjeteve të punonjësve doganor dhe policisë si dhe parkingut të taksive.

Të parët që kanë reaguar për rrethimin e zonës së kontrolllit doganor me gardh hekuri janë punonjësit e degëve të bankave, shoqërive të sigurimit dhe pikave të shërbimit kafe e fast-food, të cilët tashmë janë tërësisht të izoluar nga klientët e tyre të cilët kryesisht janë udhëtaret e autobuzëve dhe automjeteve që lëvizin në të dy anët e kufirit.

HermesNews - ©2010

Dërgo me email | Stampo artikullin | Artikulli është lexuar 219 here