2/28/2010 8:04:02 PM

Vizat/ Kufijte gati per liberalizimin

Shqiptaret presin krahehapur liberalizimin e vizave. A jane te pranueshme standartet e pikave kufitare per hapjen e dyerve?!

Nga Mirjeta Ngjela
28 Shkurt 2010

TIRANE - Shqiptaret kërkojnë liberalizim të vizave me BE, shumica sepse duan levizjen e lire, kërkojnë të zhdukin muret që komunizmi 50 vjecar krijoi, ose ndoshta sepse thelle pa dijenine e tyre kërkojnë të zbulojnë atë që ata vetë duan, kjo në kontekstin e mohimit 50 vjecar të endrrave e dëshirave, që jo pak coroditi miliona mendje shqiptarësh, duke e bërë sot Shqipërinë strehën e mjaft vrimave të zeza.

Është po kjo shumicë e përvuajtur ndër dekada, që ndërsa ia dëgjon mënyrën si e konceptojnë liberalizimin e vizave, sheh tek ata një ndjenjë prej parajse, nje shesh me lule ku gjithsecili është I lirë që një mëngjes të ngrihet me dëshirën për të udhëtuar në një nga 25 vendet e zonës Shengen, mjafton të bëjë gati valixhen e të zgjedhë hotelin, ose njerezit ku do të qëndrojë.

E po nga kjo shumicë ka nga ata që fantazojnë se pas shumë sorrollatjeve në zyrat e punës, dhe mungesës së përgjigjes, më në fund, mjafton të bëjnë gati valixhen e të nisen me shpejtësinë e dritës atje në BE, në Francën romantike ndoshta per të qenë një romantic I përjetshëm, apo në Gjermanine korrekte e fikse si vetë akrepat e orës për të punuar në fabrikat ku prodhohet teknologjia më modernë, apo në plazhet magjepsëse të Spanjës për të ofruar shërbim të mirë si kamariere apo në antikitetin e Italisë për të pastruar mirë veprat e Leonardos, a fundja udhëtim me mall të përvëluar tek të dashurit e zemrës në Greqi.

Këto janë vetëm disa nga endrrat e fantazitë që konteksti I fjalëve Liberalizim Vizash ngjall e mishëron për miliona vetë që e pritën hapjen me botën me urinë e një luani, duke mos pyetur në 90-92 as për Otranton e thelle të detit adriatik, as për malin e egër me gropa të Greqisë, apo trenat superekspres të Gjermanisë, Anglisë, Francës etj.

Me mijra njerez të bërë kurbane në eksodin e këtyre viteve, ca në det, ca në male, ca në shina trenash, që I dhane europës atë pamje rrënqethëse prej cudirash e cmendurish shqiptare, janë më shumë se bindëse për 27 vendet e BE, që shqiptarët e duan, e dashurojnë, e adhurojnë në mënyrë skizofrene aq sa sakrifikohen vetëm për pak tokë nga Perëndimi, për ta Toka e Premtuar.

Por si mund te levizin, a janë krijuar kushtet që 3 milionë shqiptarë brenda kufirit apo miliona të tjerë jashtë kufirit të lëviznin lirshëm por me garanci teknike?

Ministria e Brendshme e Shqipërisë e drejtuar nga ministri i ri në moshë Lulëzim Basha, por i saktë në llogaritje, është e para që jep garancinë.
Sipas ministrit Basha, 10 elememtë gjurmë gishtash në pasaportën e re biometrike dhe disa elemente të tjerë të sigurisë, janë kryefjala që I thonë stop fallsifikimit të një mjeti kaq të rëndësishëm të identifikimit, I cili nga ana e tij është baza për kushtin kryesor që BE kërkon për liberalizimin e vizave, pra “Dokumentave të sigurta të identitetit”.

Plot 501 mijë aplikime për pasaportat biometrike qe nga korriku I vitit 2009, deri në dt 18 shkurt 2010, janë tregues i qartë se rreth 3 mijë vetë kanë aplikuar cdo ditë në zyrat e aplikimit për kartat e identitetit. Ferdinand Poni zevendes minister I brendshëm thotë se 501 mijë aplikime deri tani, me tendencën e rritjes së shpejt të këtij numri në vijim, është prova se në rast të liberalizimit të vizave me BE, mjetet e tyre të identifikimit janë të pranueshme në cdo pikë kufitare dhe nga vendi nuk del asnjë person me dokumenta te dyshimta.

Por a jane te sigurta pasaporta biometrike shqiptare, cila eshte garancia e tyre?

“10 elemente sigurie te nje garancie te larte teknike, jane garancia me e mire teknologjike qe pasaporta jone e re ofron”- deklaroi ne nje konference per shtyp ministri I brendshem Lulezim Basha, ku dhe analizoi per gazetaret keta elemente.

Elementet nisn që nga faqja e të dhënave e cila është plastike prej polikarbonati, e ngurtë dhe e papërkulshme pasi në të ndodhet i trupëzuar mikroproçesori në të cilin janë të magazinuar një sërë elementesh biometrikë dhe identifikues të mbajtësit si: fotografia, shenjat e 10 gishtave dhe firma e skanerizuar e mbajtësit. Nxjerrja e të dhënave nga microchipi bëhet me anë të teknologjisë ëireless RFID (Radio Frequency IDentification) prej një distance jo më shumë se 10 cm. Në qendër të kopertinës qëndron stema e Republikës së Shqipërisë ku në dallim nga pasaportat e mëparshme ka edhe përkrenaren e Skënderbeut.

Në fund të kapakut qëndron simboli i mikroproçesorit. Në faqen e të dhënave, lirisht të dukshme dhe të shkruara në shqip dhe anglisht, janë stamposur mbiemri, emri, datëlindja, vendlindja, shtetësia, data e lëshimit dhe skadencës, autoriteti lëshues, firma e mbajtësit, numri i pasaportës dhe ai personal. Në fund të faqes ndodhet kodi alfanumerik që e bën pasaportën të lexueshme në mënyrë të menjëhershme me skaner optik.

Janë shtuar karakteristika sigurie të ngjashme me ato të kartëmonedhave. Konkretisht në faqen e fotos janë stamposur mikropulla, shkrime me përmasa mikroskopike dhe të një preçizioni shumë të lartë pamje holografike, pamje të shikueshme vetëm me Rrezet ultravioletë, filigrana dhe të tjerë elementë sigurie. Imazhi digjital është i stamposur direkt ne faqe dhe reagon ndaj rrezeve UV. Edhe faqet e vizave përmbajnë filigrana(shirit) dhe pamje të Skënderbeut që duken vetëm kundrejt dritës. Sipas ministrit Basha, pasaportat biometrike shqiptare janë konform udhëzimeve të Organizatës Ndërkombëtare të Aviacionit Civil.

Tre muaj më parë ambasadori I KE në Tiranë, Helmut Lohan e provoi vetë fuksionimin e rrjetit të informacioneve policore në pikat e kalimit. Në pikën kufitare tokesore te Bllates ne Peshkopi, ne kufi me Maqedoninë, Lohan I tha punonjësit të policisë të fuste në sistemin e të dhënave TIMS, numrin e shasisë së makinës së tij. Sistemi TIMS bëri një kërkim të menjëhershëm të të dhënave të kërkuara duke nxjerrë të gjitha të dhënat e mjetit dhe faktin se ajo makinë nuk ishte e vjedhur apo e kërkuar nga INTERPOLI.

Një ushtim I thjeshtë ky, por që provoi efikasitetin e sistemit të elektronik të analizimit të të dhënave. Prova e bërë prej diplomatit e “qetësoi” atë, ndërsa shoqërohej gjatë vizitës në kufirin lindor të vendit nga Ministri i Brendshëm, Lulzim Basha. Më tepër sesa verifikim personal, Lohani dhe pjesëmarrësit në inspektimin e janarit të këtij viti në pikën kufitare verilindore të Bllatës u siguruan për funksionimin e sistemit të kontrollit në këtë pikë kufitare.

Në këtë pikë kufitare ashtu si në 23 pikat e tjera është instaluar sistemi TIMS, integrimi me sistemin e analizës së informacionit MEMEX e lidhja me bazën e të dhënave të INTERPOL-it, çka do të thotë kontroll i shpejtë dhe i saktë të çdo personi apo mjeti që hyn e del nga vendi ynë. Diplomati Lohan komentoi pas kontrollit te makines se tij ne Bllate, se “…ka shume mundesi qe me sisteme te tilla dhe me ritme te tilla, Shqiperia te jete e gatshme per liberalizimin e vizave brenda vitit 2010”.

24 pika kufitare ne te gjithe Shqiperine, pjesa me e madhe tokesore, por edhe ato detare dhe pika e vetme ajrore e Rinasit, prej 5 muajsh janë pajisur me Sistemin TIMS. Ndërsa në fillim të këtij viti u bë pajisja e tyre edhe me sistemin MEMEX dhe nderlidhjen e të dyja sistemeve me bazën e të dhënave të INTERPOL.

TIMS, është sistemi i mbikëqyrjes së vendkalimeve kufitare nëpërmjet kamerave dhe sistemi i kontrollit detar I burimeve njerezore. Salla ku përpunohen të dhënat e përftuara nga sistemi TIMS, funksion 24 orë në ditë dhe po aq zotëron të dhënat nga të 24 pikat kufitare të vendit. Në kohë reale, TIMS, ndërlidhet me Regjistrin e Gjendjes Civile, duke mundësuar shkarkimin e të dhënave të këtij regjistri për të gjithë shtetasit që posedojnë pasaporta biometrike por edhe aktualet.

Por jo vetëm kaq, TIMS lidhet me sistemin tjetër, Memex I instaluar tashmë në 12 qarqe të vendit. Ky I fundit kryen në kohë reale analizën e informacionit kriminal duke u lidhur edhe me sistemin e kontrollit të kufirit detar per perpunimin e informacionit kriminal. Në këtë mënyrë mundësohet që ne sallën qendrore operative të Policisë së Shtetit të kryhet mbikëqyrja në kohë reale e të gjitha vendkalimeve kufitare nëpërmjet sistemit të kamerave e po kështu edhe kontrolli i kufirit detar nëpërmjet imazhit të përcjellë nga sistemi i kontrollit detar.

Kjo do të thotë se nëse një polic I thjeshtë dyshon tek një qytetar, mjafton të njoftojë sallën kryesore, dhe search-i në kohë reale jep informacion të detajuar për aktivitetin criminal ose jo të personit të dyshuar. Te gjitha pikat kufitare janë të pajisura me te gjitha sistemet e vëzhgimet, skanera, mjete kontrolluese per cdo dyshim që mund të kenë, si për dallimin e dokumentave të falsifikuara ashtu edhe për transportet të drogës, armëve etj.

E nëse kufiri është kaq mirë I menaxhuar, sic e verifikoi edhe vetë diplomati Lohan, atëherë, “Jepi Shqipëri; Ti ke bërë hapa përpara. Ndoshta gjermanët e fiksuar pas korrektësisë do të shohin me skpeticizëm, ndoshta italianët fqinjët më tolerantë do ta bëjnë një sy te verber, ndoshta francezët do të të duardrokasin me embelsi për perparimet e bëra, e ndoshta ndoshta nordikët do shkrihen së qeshuri me heroizmin tënd. Por ti je aty, je një port e pamohueshme për ta drejt risive lindore, dhe padyshim një tokë e vogël plot resurse që josh industrinë e pse jo plot surpriza turistike. Ata te tutë, shqiptarët edhe pse shfaqen në tokën e tyre, si njerëzit me të cuditshëm me absurditete nga më të paparashikueshmet, e kanë treguar veten se atje në BE, me displinë dhe me punë të sinqertë janë bërë ambasadorët më të mirë për imazhin tënd”.

Rastet janë me qindra, dhe me liberalizimin e vizave të tjera figura, të tjera mendje, të tjera talente të pamohueshme do clirohen nga prangat e një vakësie dhjetra vjecare. Liberalizim, mbi të gjitha do të thotë liri për të levizur brenda rregullave të drejta të caktuara, do të thotë të hapësh mendjen, e jo vetëm zemrën. Liberalizim për Shqipërinë do të thotë të lexosh së prapthi, për mire, “Metamorfozën” e Kafkës, ku mund te supozojme se Gregor Zamsa fillmisht ishte një insekt I tmerrshëm I vrarë për neverinë që ofronte, e më pas nëpërmjet procesit të rimishërimit u shndërrua në një njeri plot jetë e talent.

Ndoshta kështu ne kete kendveshtrim duhen parë edhe shqiptarët. Nevojitet një proces si ai I liberalizimit te vizave, që njerëzit e shqipërisë të hapen me vendet e tjera, te bejne krahasimin me gjermanet, fracezet, italianet, nordiket, te mësojnë mbi te gjitha se cfarë duan, se cfarë janë të aftë të bëjnë, cilat janë kapacitetet dhe limitet e si ti ofrojnë e pasqyrojne sa me drejtë ato.




Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 652 here