2/19/2010 5:27:29 PM

Sevian Daupi, Regby me më të mirët e italisë.

'Nuk ka rëndësi nëse rrëzohesh, por nëse di të ngrihesh'/ Lind Kombëtarja shqiptare e regby-t, një prej sporteve që po zhvillohet shumë shpejt nëpër Europë.

Doriana Metollari
drejtor@hermesnews.org
19 Shkurt 2010

VENEZIA (ITALI) - Mesa duket ka qenë dashuri me shikim të parë, ajo çfarë ka ndodhur mes Sevian Daupit dhe sportit të Rugby-t. 21 vjeçari shqiptar ka 10 vite në Itali, po kaq vite ka dhe me sportin e rugby-t. Një bashkëjetesë e gjatë, e ushqyer nga djersët dhe pasioni i të riut që sot, është ndër më të mirët në këtë vend dhe luan në kategorinë A të profesionisteve ‘Venezia Rugby Club’.

Familja e tij, mami Drane, së bashku me babin Gaspër dhe motrën Resilda, ndodhet në Modena, ndërsa Seviani jeton vetëm në Venezia. Kohët e fundit ai së bashku me 15 të rinj shqiptar kanë krijuar skuadrën kombëtare shqiptare të këtij sporti, që për Sevianin është pasioni dhe profesioni i tij. ‘Roli im është numri 9’ - thotë Seviani në një interviste ekskluzive për Hermesnews, që do të thotë 'ai që hap lojën në fushë'.

Rugby është një prej sporteve që po zhvillohet shumë shpejt dhe është mjaft në modë, jo vetëm në Itali, por dhe në Europë, pikërisht për shkak të principeve te shëndosha që mbart. Kjo ka tërhequr fillimisht dhe Sevianin.

Një ditë ai u intervistua nga një reviste sportive në Itali dhe prej këtu mori shkëndijën e parë; të bënte realitet ëndrrën e tij në formimin e kombëtares shqiptare të Rugby-t. ‘Në Shqipëri nuk njihet shumë ky lloj sporti’, thotë ai. Dhe kishte të drejte; atë kohë drejtori i revistës italiane shfaqi interes për hapjen e seleksionit të lojtarëve.

Sot skuadra ka 15 të rinj shqiptarë që luajnë nëpër vende të ndryshme të Europës dhe premtojnë shumë. Ndeshja e pare e kombëtares shqiptare do të mbahet në Qershor. ‘Ne Itali nuk ka Ministri Sporti, por është një Sekretar qe delegohet nga Presidenti Republikës Italiane dhe ai po lëviz nëpërmjet Ambasadës sonë për t’u takuar me Ministrin e Sportit Shqiptar dhe për të futur dhe në Shqipëri këtë lloj sporti. Me kohën pastaj mund të krijojmë dhe një federatë, ‘ - thotë ai. Seviani ashtu si shumë të rinj të tjerë shqiptarë, e ka kuptuar se talenti dhe medaljet kërkojnë mund, por mbi të gjitha sakfrifica..kjo nuk e frikëson, përkundrazi ideja se një ditë mund ta përcjell këtë sport dhe në Shqipëri, i jep një shtysë më tepër për t'i qëndruar besnik idesë dhe pasionit të tij përhershëm, regby.

Sevian cila është historia jote tek rugby?

Kam filluar qe ne moshën 11 vjeç ta ndjek këtë lloj sporti ne shkolle, ne fillim ishte thjesht për hobi, pastaj kalova nga shkolla te një klub te Modena-s ‘Rugby club’ ku qëndrova deri ne moshën 18 - 19 vjeç. Pastaj kartonin tim e bleu ‘Casino di Venezia Rugby Club’ që sot është në top 10 pra kategoria me e madhe ne Itali. Kam marrë pjesë në nacionalet deri under 19, në botërorin që u zhvillua në Japoni dhe europianët në Skoci si dhe shumë të tjera..

Urime…çfarë ka kaq të veçante ky lloj sporti?

Flm.. te them te drejtën me pëlqen sepse ne këtë lloj sporti jo vetëm mund te shkarkosh adrenalinën, pasi siç dihet është shume fizik, por është dhe fisnik tërheqës .. është dyluftim me kundërshtarin..

Dhe… çfarë do te thotë kjo për ty?

Kur jam unë sulmues, mendoj mënyrat si mund ta lë të habitur duke mos ja arrit as te më prekë; kur jam në mbrojtje zbuloj të gjitha mënyrat si mund ta hedh ne tokë duke respektuar rregullat gjithmonë.

Rregulla qe vlejnë dhe në jetë..

Tamam, ky lloj sport të ndihmon shumë dhe në jete sepse të kujton se ka momente që mund të të hedhin poshtë, por më e rëndësishme është të ngrihesh. Nuk duhet të dorëzohesh kurrë.

Studentet shqiptare ne Itali, zakonisht zgjedhin juridik, apo ekonomik për t’u shkolluar.. Ti ke menduar te zgjedhësh një degë tjetër?

Po..dhe unë ekonomi (qesh), por do të më pëlqen të bëhesha ‘trajner i atletikes’. Aktualisht luaj me Casino di Venezia, qe është skuadra A ne Itali, këtu janë të gjitha skuadrat me të mira të Italisë.

Sevian, bën një punë që është dhe pasion për ty..e konsideron veten me fat?

Po deri tani po me shumë fat.

Cfarë bën kur nuk stërvitesh?

Hmm gati gjithë ditën stërvitem kur mbaroj mbasdite vone dalim me shokët e skuadrës..

Përveç shokëve te skuadrës, i dedikon dikujt tjetër me shume kohe?

Tani për tani nuk kam një te dashur fikse...sepse duan shumë kohë ato. Për momentin jetoj vetëm ne Venezia, qe prej dy vitesh, ndërsa familja ime është ne Modena. Ndjehem mire, kështu..

Mban lidhje me vendin tënd?

Si jo. Shkoj çdo vit për pushime. Shqipëria është vendi im, por nuk e di nëse do te kthehem një dite përgjithmonë. Qyteti im është Durrësi. Do te me tërhiqte me shume nëse vendi im do ta njihte këtë sport te bukur. Atëherë unë dhe djemtë e tjerë do te kishim një arsye me shume për te qëndruar me gjate atje..

Sevian flm për intervistën dhe suksese..

Faleminderit ju dhe përshëndes lexuesit e gazetës Hermesnews.



Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 646 here