2/15/2010 11:02:17 AM

Nisin premierat e radhes ne TKOB

Interpretimi I ëmbël I pasionit 'të dëshpëruar'

Laureta Roshi
lori_roshi@yahoo.com
14 Shkurt 2010

TIRANE- Mbrëmja e 14 shkurtit në Tiranë përkoi edhe me premierën e Operas “Manon Lescaut” me muzikë nga Giacomo Puccini dhe interpretim të artistëve shqiptarë dhe italianë.

Skena e aktit të parë përcolli ngjyrat e ngrohta të sheshit parizien dhe atmosferën festive të studentëve dhe borgjezëve të mes shekullit të 19. Po dashuria përcillet pakohë dhe fuqishëm në skenën e TKOB/it. Nën gjuhën e ngrohtë të dashurisë, në gjuhën e kompozitorit të njohur Pucini, dhe skenat e realizuara nga skenografi Genc Shkodrani rrodhi në 4 akte një nga historitë e njohura të dashurisë.

Interpretimi I premierës padyshim u mirëprit si një interpretim I ëmbël professional I solistëve Eva Golemi në rolin e Manon Leseaut dhe Lorenco Dekaro në rolin e kavalierit Des Grieux, Armando Likajt, Sidrit Bejlerit, Jani Xhekiçi, korit nën muzikën e orkestrës të drejtuar nga dirigjenti Gianluca Martinenghi.

Nën regjinë e Nikolin Gurakuqit, 4 aktet e operas përcollën një subject interesant ku Manon Leskaut është vepra e parë e Pucinit, 1883 pas vënies në skenat franceze. Fabula e dashurisë së dlirtë, që e bën Manon Leskaut të braktisë një fejesë interesi dhe studentin Des Grieux të lëshohet në passion dhe të bëhet një edhe në ndëshkimin ndaj Manon Leskaut. Nga idili I ngohtë në hakmarrjen e tregëtarit që ndihet I tradhëtuar, në burgimin dhe internimin e përbashkët deri në humbje.

Ajo vdes duke I treguar dashurinë në shkretëtirë në krahët e të dashurit , të dy të arratisur nën diellin përvëlues të shkretëtirës së Neë Orleans, aty ku fati I coi të vuanin bashkë pasionin e tyre.Ariet e sopranos Eva Golemi përcollën fuqinë e pasionit që mbështetej në dashurinë e plotë të studentit.

Sfondi I një dashurie u plotësua nga atmosfera e kurtizaneve, koristëve e trupës së talentuar ku padyshim zërave të plotë ju pështoll ëmbël muzika live e orkestrës së Teatrit Kombëtar të Operas dhe Baletit.

Padyshim një sukses I gjithë trupës së TKOB, në një premierë të 40/të në këto 6 vitet më të fundit që u duartrokit nga publiku artistë, deputetë, ambasadorë e studentë mbrëmjen e 14 shkurtit në Tiranë

Hermesnews-@2010

Dërgo me email | Stampo artikullin | Artikulli është lexuar 341 here