2/11/2010 4:57:26 PM

Sigurimi i aksidenteve në punë

Projektligji do të kalojë nen për nen për miratim në komision gjatë seancës së ardhshme që mbahet ditën e hënë.

11 Shkurt 2010
info@hermesnews.org

TIRANË - Ndërmarrjet publike ose private duhet të sigurojnë mjekun në ambientet e punës dhe ky është kusht për sigurinë dhe shëndetin në punë. Projektligji i hartuar për herë të parë në Shqipëri, u diskutua sot në Komisionin Parlamentar për Çështjet Sociale. Ministri i Punës, Spiro Ksera, tha se projektligji siguron mbrojtje disa grupeve të ndjeshme ndaj aksidenteve në punë, si gratë, fëmijët e personat me aftësi të kufizuar. “Çdo punëdhënës i një subjekti publik e privat, vendas apo i huaj, fizik apo juridik është i detyruar të sigurojë shërbimin mjekësor në punë, nëpërmjet mjekut të punës. Hetimi i aksidenteve në punë është risi klasifikimi në 4 shkallë të aksidenteve, duke u bazuar në pasojat që shkakton aksidenti dhe numrin e personave të dëmtuar. Ky projektligj garanton mbrojtjen e veçantë ndaj rreziqeve në punë të grupeve më ndjeshme siç janë gratë shtatëzëna, grave me fëmijë në gji, të miturit si dhe personat me aftësi të kufizuar”, u shpreh ministri i Punës, Spiro Ksera.

HermesNews - ©2010

Dërgo me email | Stampo artikullin | Artikulli është lexuar 292 here