2/11/2010 4:30:11 PM

Volejboll/ Starton Kupa e Shqiperise

Ekipet do të ndahen në dy grupe, në bazë të renditjes së fazës së parë të kampionatit.

11 Shkurt 2010
info@hermesnews.org

TIRANE - Sot starton Kupa e Shqipërisë në volejboll, turne që ndan praktikisht në mes kampionatin kombëtar. Ekipet do të ndahen në dy grupe, në bazë të renditjes së fazës së parë të kampionatit. Skuadrat që renditen në vendet 1-4-5-8 në kampionat do të jenë në njërin grup dhe ekipet që renditen në vendet 2-3-6-7 do të jenë në grupin tjetër. Ndeshjet e femrave do të zhvillohen në datat 15, 16 dhe 17 shkurt në sallën sportive “Fahrie Hoti” për grupin A dhe në Rrëshen për grupin B. Takimet e meshkujve në datat 11,12 dhe 13 shkurt do të luhen në kryeqytet për grupin A (po në “Fahrie Hoti”) dhe në Durrës për grupin B. Dy ekipet e renditura të parat në grup do të shkojnë në gjysmëfinale, që për meshkuj do të zhvillohen më 19 shkurt dhe finalja një ditë më pas. Ndërsa gjysmëfinalet e femrave do të luhen më 22 shkurt dhe finalja më 23 shkurt

HermesNews - ©2009

Dërgo me email | Stampo artikullin | Artikulli është lexuar 376 here