2/8/2010 3:39:18 PM

Eshtra në Dajt

Zbulohen eshtrat e 13 personave në Malin e Dajtit. Qeveria do të vendosë shpërblim për të gjithë ata që do të kontribuojnë me informacione, do të paguajë të gjithë ata që ka dijeni për njerëz të ekzekutuar të cilët ende konsiderohen të zhdukur.

8 Shkurt 2010
info@hermesnews.org

TIRANË - Eshtrat e 13 personave u gjetën rastësisht nga disa banorë gjatë kërkimeve në malin e Dajtit. Eshtrat ishin futur në thasë dhe sipas policisë kishin shumë vite që ishin groposur. Mjeko-ligjorët i transportuan eshtrat në Morgun e QSUT-së ku pritet ekspertimi për të caktuar identitetin e personave. Sipas ekspertëve, eshtrat i përkasin kohës së diktaturës komuniste dhe për këtë policia do të kërkojë në skedarët e kohës, për persona të shpallur të zhdukur. Sot, K/Ministri Sali Berisha në mbledhjen e Grupit Parlamentar të Partisë Demokratike tha se; 'E sigurt është se ata ishin ekzekutuar me plumb pas koke, pasi janë gjetur të gjitha kafkat me një vrimë plumbi'. Qeveria ka vendosur të shpërblejë ata që do të kontribuojnë me informacione, për njerëz të ekzekutuar të cilët ende konsiderohen të zhdukur. HermesTV/ Palin, lexon ne dore pergjigjet

HermesNews - ©2009

Dërgo me email | Stampo artikullin | Artikulli është lexuar 247 here