2/6/2010 6:35:59 PM

7.3 mld Lekë dëm ekonomik

Në Shqipëri Ekipet e Kontrollit të Lartë të Shtetit kanë zbuluar parregullsi dhe shkelje financiare në të ardhurat dhe në shpenzimet e kryera nga disa institucione shtetërore, me dëm efektiv të përgjithshëm prej mbi 7 miliardë e 305 milionë lekësh.

6 Shkurt 2010
info@hermesnews.org

HN/TRT - Ekipet e Kontrollit të Lartë të Shtetit zbuluan parregullsi dhe shkelje financiare në të ardhurat dhe në shpenzimet e kryera nga disa institucione shtetërore, me dëm efektiv të përgjithshëm prej mbi 7 miliardë e 305 milionë lekësh. "Ky dëm efektiv i përket veprimtarisë për periudhën e aktivitetit financiar te zhvilluar ne vitet 2007-2008 dhe 9-mujorit të vitit 2009", - thuhet në raportin përmbledhës të kontrolleve, të kryera gjatë vitit të kaluar. Në vitin 2008 ishin konstatuar nga KLSH-ja, 4 miliardë lekë abuzime. Në 2007, KLSH raportoi një dëm prej 2 miliardë lekësh. Shkeljet më të rënda raportohen në aktivitetin e Tatim-Taksave, aktiviteti i dhënies me qira apo i shitjes së pronave shtetërore, prokurimet publike, aktiviteti doganor dhe shkeljet financiare gjatë vetë-shpërblimit të administrates. Kontrolli i Lartë i Shtetit i ka kërkuar Prokurorisë që të fillojë ndjekjen penale për nëntë zyrtarë të lartë të shtetit, për abuzim me detyrën. Në raportin final të KLSH nuk janë vendosur emrat konkretë të zyrtarëve të propozuar. Veprimtaria e tyre që do të hetohet nga prokuroria i përket vitit 2009.

HermesNews - ©2009

Dërgo me email | Stampo artikullin | Artikulli është lexuar 249 here