1/28/2010 12:01:26 AM

Dr.Skënder Brataj, mjeku shqiptar hap dyert e politikës italiane.Erdhi momenti i integrimit politik!

Nga mjekësia ne listën e profesionisteve të kandidates për presidente të koalicionit të Qendrës së Majtë Mercedes Bresso ’Inssieme per Bresso’. Brataj është shqiptari i parë shqiptar që kandidohet për zgjedhjet e rajonale në Piemonte 28-29 Mars në Itali.

Doriana Metollari
drejtor@hermesnews.org
27 Janar 2010

TORINO (ITALI) - Në listës ‘Insieme per Bresso’, janë publikuar sot emrat e kandidateve të propozuar për këshilltarë pranë Presidentes aktuale të Regione Piemonte Mercedes Bresso, aktualisht kandidatë të koalicionit të qendrës së majtë ku bëjnë pjesë (PD, UDC, Italia dei valori). Lista do të këtë 80 këshilltarë dhe aktualisht emri i Brataj ndodhet në 24 të parët që kanë marrë zyrtarisht miratimin e koalicionit.

Skënder Brataj, i cili jeton dhe punon që nga viti 1993, është i njohur në ambientet e politikës në rajonin e Piemontes, dhe që nga dita e sotme mendon të sjellë zyrtarisht një zë më shumë në këshillin rajonal si një qytetar italian tashmë. ‘Origjina e tij shqiptare’, siç e kanë cilësuar disa gazetarë të huaj, çfarë Brataj, e ka korrigjuar menjëherë, ‘unë jam shqiptar dhe mbetem shqiptar’, ka bërë që ai të jetë i pari shqiptar kandidat për zgjedhjet rajonale në Piemonte.

Dr. Brataj ka qenë dhe është një figurë mjaft aktive në fushat e integrimit, të emigracionit dhe çështjeve sociale të emigranteve. Ai ka bashkëpunuar me Grupin Konsullor të Piemontes dhe në veçanti ka punuar ngushtë me Konsullatën Shqiptare të Piemontes dhe sidomos me Konsullin e Nderit Giovanni Firera nëpërmjet të cilit ka njohur një rol gjithnjë e më të rëndësishëm në jetën kulturore, sociale dhe politike të emigrancionit.







Pse mendoni se do ti fitoni këto zgjedhje?

Ana pozitive e Bresos ne këtë liste është se ka zgjedhur një seri profesionistësh. Pjesmarrja ime tregon se politika e saj është një politikë integrimi. Të huajt sot janë nëpër këto lista dhe kjo është diçka shumë e mirë. Të huajt kanë mbi 20 vite që jetojnë në Itali dhe pjesëmarrja e tyre deri tani ka qenë është nën zero. Shumë qytetarë i njohim, kanë të bëjnë me mjekësinë, Kryqin e Kuq, etj etj pra të huajt në Itali janë gjithnjë e në rritje. Në huajt në Rajonin e Piemontes zëne rreth 6-7% të popullsisë.

Cili është vizioni huaj në këtë politikë?

Unë do të mundohen të jap kontributin tim në fushën që unë njoh dhe e dua më shumë dmth shëndetin publik dhe imigracionin të cilat janë dy fushat që mendoj se kam njohjet dhe janë pikat e forta qe unë do të përqendroj punën time. Sot studiuam pikat më kryesore të programit tonë.
Tani do të shohim se çfarë do të bëjmë, për të parë programin e koalicionit dhe pikat e programit.

Dhe cilat janë pikat më kryesore të programit?

Ne jemi të mendimit se Shëndeti duhet të jetë publik, dhe jo vetëm shëndeti por dhe shkolla, edukimi duhet të jetë gratis. Po i kushtojmë një hapësirë të veçantë dhe agrikulturës meqë terreni është shumë i dëmtuar.

Të flasim për emigracionin..

Në përgjithësi rajonet nuk kanë shumë kompetenca për të huajt. Ligjet i bën qeveria qendrore, dhe rajonin apo me saktë programi ynë elektoral është i përqendruar tek integrimi në shkolla. Fakti që Lega Nord propozoi që numri i të huajve nëpër klasa të mos jetë më shumë se 30% është diçka qe ne nuk e pranojmë, Qendra e Majte mendon se këtu nuk duhet te behet asnjë ndryshim. Një vëmendje e veçantë do t’i kushtohet shoqatave kulturore, kombëtarë dhe pjesëmarrja aktive e ‘drejtoreve rajonal për kulturën’ ne jetën e këtyre shoqatave.

Cilat janë pikat e programit tuaj që ju mendoni t'i debatoni me shume me Lega Nord psh?

Lega Nord ndjek objektivat kombëtare, ato objektiva, që kërkon ti dërgojë dhe këtu si psh: kërkon të përjashtojë të huajt nga casa integrazione, apo ka propozuar t’u japë të huajve nga 2500 euro për të lënë vendin. Denoncimi i klandestinëve në pronto soccorso. Unë punoj aty, ne si mjeke dhe unë personalisht nuk kam ndërmend ta bej një denoncim te tille. Ka apo s’ka dokument, qëllimi im nuk ka qene dhe nuk është te denoncoj njerëzit, por ti shëroj.

Cilës parti do t’i thoni ‘Po’, nëse do t'ju propozonte për të qenë pjesë e saj?

Nuk dua te ja asnjë mendim, sepse partitë politike përfaqësojnë Shqipërinë dhe unë nuk jetoj atje. Acarimi i politikës shqiptare nuk është korrekt. Çdo parti politikë që kërkon të çojë vendin përpara në mënyrë demokratike, është e pranueshme. Ligji duhet respektuar, sidomos institucionet meqë ne kemi dhe tendencën t'i anashkalojmë. Politikani duhet te merret me zgjidhjet e problemeve, jo me kandidatin. Politikani respekton rregullat dhe punon për njerëzit jo për veten.




Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 1194 here