Video

Nga Doriana Metollari
drejtor@hermesnews.org
11 Janar 2010

TIRANE - Erkand Qerimaj mori titullin e parë në nivel ndërkombëtar kur ishte vetëm 14 vjeç (Kampion Europë). Që prej asaj dite, adhuruesit e sportit e kuptuan se ndodheshin përballë një talenti për të cilin çdo shqiptar do të ndjehej krenar. Ai është peshëngritësi shqiptar që ka koleksionuar më shumë medalje në aktivitetet ndërkombëtare, kampionate europiane e botërore. Që nga ajo ditë kanë kaluar shtatë vite..

Apo jo Erkand?

Po. Që nga Kampionati i Nices të Francës..

Megjithatë ti ke marrë pjesë së fundi dhe në një tjetër kampionat më nivel botëror.. E prite këtë titull të ri?

Po. I fundit është ky i Koresë kur u mbajt me datë 19 deri 28 Nëntor të këtij viti. Ishte Kampionati Botëror i Peshëngritjes dhe dola në vend të 7-të. Rezultat qe prej teknikeve specialisteve u quajt i shkëlqyer meqë në këtë konkurs garojnë sportistet me te mire te botes. Përmirësova 6 vende nga olimpiada e 2008-tes.

Kush ti dha urimet i/e para?

Urimet e para i mora nga trajneri im, nga drejtuesit e Federatës se Ministrisë qe kishin ardhur ne Kore se bashku me ne se dhe i gjithë stafi qe ndodhej atje. Me vonë jam lidhur me tel dhe me familjen time. Nga përfaqësuesit e Ministrisë mora fjalët me te mira.

Vetëm fjalët?

Po fjalët e mira normalisht pasi për këtë rezultat nuk parashikohet ndonjë shpërblim me vendim te Këshillit te Ministrave por me premtuan se do t’i propozojnë që të shtohen vendet që aty të shpërblehet vendi parë deri tek i treti.

Aktualisht me se merreni përveç sportit dhe ku i kaloni orët e stërvitjes?

Unë ndodhem në Tiranë dhe stërvitem tek palestra e kombëtares pasi jam dhe ne universitet atje që në vitin 2006. Stërvitem me trajnerin tim Zef Kovaci te cilin e falënderoj ndërkohë studioj dhe për Drejtësi dega Juridik.

Dëgjon muzikën e Roky Balboa-s kur ke ndonjë sfidë të vështirë përpara?

(Qesh) Po.. sidomos para garave ose kur kam stërvitje shumë te fortë.

Muskujt dhe ligjet sikur e përjashtojnë ca njëra-tjetrën..

Nuk ka lidhje. Sporti nuk lidhet vetëm me muskuj ato qe mendojnë kështu nuk e kuptojnë sportin. Halla ime është avokate edhe e kam patur dëshirë që i vogël këtë profesion. Tani që m’u dha bursa e studimit zgjodha juridikun se me pëlqen shumë me tepër se degët tjera.

Si ndjehesh kur ke një kundërshtar te forte përpara?

E ke fjalën nëse bëj luftë me shikime? Jo. Por duhet të jesh i përgatitur nga ana psikologjike pasi kjo është më e rëndësishme se te gjitha. Për të arritur nivele të larta sportive ana psikologjike është shumë e rëndësishme. Gjithçka është brenda në mendje. Duhet të arrish të përqendrohesh të japësh më të mirën tende; adrenalinën që të jep gara mos të marri për keq por të shfrytëzosh për mirë.

Erkand, gjatë këtyre viteve me siguri që të është dashur shpesh t’a përdorësh fjalën 'force'. Cfare do te thote te jesh i 'forte' dhe cila është forca jote e vërtetë?

Forca ime është në mendje. Ajo çfarë kam dashur deri tani e kam realizuar. Peshëngritja nuk është vetëm force fizike, është me e ndërlikur nga sa duket j’ua siguroj.

Një sportist dhe pse kampion bote nuk ka vetëm sport dhe studim ne jetën e tij..

Jo.. sigurisht qe jo.. shoqëria ka vendin e saj, por kam dhe kam shume hobi te tjera qe i ndjek..

Faleminderit qe ishit me ne Erkand dhe suksese!

Faleminderit stafit te Hermesnews per intervisten.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email |

Stampo artikullin |

Artikulli është lexuar 517 here