1/8/2010 12:32:25 PM

Serbia dhe Kosova sipas Spanjes, mund te dialogojne me tej

Spanja mbështet dialogun midis Beogradit dhe Prishtinës

info@hermesnews.org
2010

BEOGRAD- Spanja vlerësoi se Serbia mund të fitojë statusin e vendit kandidat për Bashkimin Evropian edh epa zgjidhjen e problemeve me Kosovën. Ambasadori spanjoll në Serbi përkrahi idenë e dialogut ndërmjet Beogradit dhe Prishtinës, pas shpalljes së opinionit të Gjykatës Ndërkombëtare të Drejtësisë.

Vendi kryesues i Bashkimit Evropian, nuk sheh pengesa në udhën e mëtejme të përafrimit të Serbisë me Bashkimin Evropian, shkaku i Kosovës. Ambasadori i Spanjës në Beograd, Injigo Palasio De Espanja tha se Serbia mund të fitojë statusin e kandidatit për integrim në BE edhe pa zgjidhjen definitive të çështjes së Kosovës. Sipas tij, Spanja dhe shumë partnerë të saj në Union dëshirojnë që autoritetet në Beograd dhe Prishtinë të zhvillojnë dialog që do të çojë kah zgjidhja e përbashkët dhe e zbatueshme, tha Espanja, për gazetën Blic.

“Ministri i jashtëm serb Vuk Jeremic ka ofruar një ide shumë të rëndësishme kur ka propozuar që pas shpalljes së opinionit të Gjykatës Ndërkombëtare të Drejtësisë, përmes dialogut të gjendet zgjidhje kompromisi dhe e qëndrueshme për raportet e ardhshme”, tha ambasadori spanjoll.Spanja është njëra nga pesë vendet anëtare të Bashkimit Evropian e cila nuk e ka njohur ende shtetin e Kosovës. Ajo aktualisht kryeson me Bashkimin Evropian, por Madridi ka paralajmëruar se do të kenë qasje neutrale ndaj Kosovës, gjatë gjashtë muajve të kryesimit.

Dërgo me email | Stampo artikullin | Artikulli është lexuar 291 here