1/7/2010 11:02:37 AM

Përmbytjet/ Përmbledhje e lajmeve të ditës

Forcat speciale nga Shqipëria dhe Kosova po punojnë për forcimin e argjinaturës dhe evakuimin e popullsisë.

7 Janar 2010
info@hermesnews.org

TIRANE - 224 forca të Shtabit të Forcave të Armatosura po punojne per te perballuar situatën e përmbytjeve në Shkodër dhe Lezhë.

Forcat speciale po punojnë për forcimin e argjinaturës dhe evakuimin e popullsisë. Rreth 67 automjete jane dërguar në zonat e përmbytura. Sipas të dhënave zyrtare, vetem ne fshatin Dajç dhe Obot jane evakuar 2 familje me 16 persona, 26 bagëti.

Janë vendosur 600 thasë me rërë. Në Berxhat vazhdon puna për vendosjen e argjinaturës; është ndërtuar 50 ml argjinaturë dhe janë përforcuar 70 ml të tjera.

Eshtë transportuar një i sëmurë nga fshati Bërdicë për në spitalin civil Shkodër. Janë transportuar 110 m3 inerte nga Velipoja për në Komunën Dajç për rregullim argjinaturës dhe hapje rruge.

Në fshatin Semishtë Shkodër dhe në fshatin Qashë janë transportuar përkatësisht 40 dhe 20 m3 zhavor.

Në Velipojë, janë transportuar 40 m3 inerte në një distancë 6 km, me 5 automjete vetëshkarkuese të batalionit të xhenios, të cilat arritën në zonën e operacionit rreth orës 23.00 të ditës së djeshme.

Në Lezhë, janë transportuar nga gurorja e Gjadrit për në Tale të Lezhës 180 m3 inerte për riparim të argjinaturës së dëmtuar. Në Ishullin Lezhë janë mbushur 422 m3 argjinaturë.

Strukturat e ushtrisë janë në gjendje gatishmërie dhe vazhdojnë operacionet për evakuimin e komunitetit, forcimin e argjinaturave dhe dërgimin e ushqimeve dhe ndihmave të ndryshme për ato familje që nuk janë evakuar ende. Te tjera/ I hiqet imuniteti gjyqtarit

Shkodër/Tiranë - Eshtë bllokuar aksi rrugor Shkodër-Tiranë nga rritja e vazhdueshme e nivelit të ujit, pas shkarkimeve të hidrocentraleve. Disa makina janë bllokuar nëpër rrugë ndërsa uji vijon dhe rritet në mënyrë të vazhdueshme. Vijon evakuimi i banoreve perreth.
Nga zonat e rrezikuara jane evakuuar 70% e banoreve.

Gjakove - Gjakova do t'i jape 10.000 euro (€) ndihma rajonit te Shkodres, i prekur nga permbytjet. Sipas kreut te komunes se Gjakoves, Pal Lekaj situata mbetet alarmante. Kryetari i Gjakoves, Lekaj u shpreh se Gjakova do te ndihmoje Shkodren dhe ne forma te tjera.

PS ne Shkoder. 'Shteti mungon' - Deputetët e Partisë Socialiste ndodhen aktualisht ne Shkoder, neper zonat e permbytura. Gjate nje deklarate per shtyp, deputeti i Shkodrës Ilir Beqja tha se: "Në kthesën e Dajçit në orën 9 të mëngjesit, vihet re se shteti shqiptar ka mbaruar. Nuk ka as polici, as ushtri dhe asnjë shenjë të ekzistencës së shtetit. Kanë mbetur njerëz të bllokuar për të cilët nuk ka asnjë informacion se çdo të ndodhë me jetën e tyre".

Basha mbledh Komitetin e Emergjencave - Ministri Basha, ka mbledhur Komitetin e Emergjencave Civile të Qarkut Shkodër, ku situata e përmbytjeve është tejet serioze. Në veri është shpallur gjendja e emergjencës,. Gjithsej jane permbytur 4786 ha tokë; jane mbuluar nga uji 870 shtëpi; evakuuar 527 familje. Sipas policise, të gjitha akset rrugore në të dy qarqet janë të kalueshme. Evakuuimet vazhdojne.

Banoret pranojne te largohen nga shtepite

Banorët e zonave të përmbytura kanë pranuar të evakuuohen. Pas shumë refuzimesh dhe kundërshtish ata kane pranuar ndihmen e ushtrise dhe po largohen nga banesat e tyre. Me dhjetera banorë të komunës Dajç kanë kërkuar ndërhyrjen e forcave të ushtrisë për t''u larguar pasi pjesa më e madhe e banesave janë izoluar nga uji. Nderkohe ne Shkoder, ndodhen Ministri i Brendshem Lulzim Basha dhe Kryetarja e Parlamentit Jozefina Topalli.

Rriten prurjet ne kaskaden e Drinit - Eshte perkeqesuar situata ne kaskaden e Drinit. Te dhenat e te fundit flasin per dyfishimin e prurjeve. Ne krahasim me nje dite me pare, prurjet kane arritur ne 1650 meter kub uje ne sekonde. Sasia e ujit qe po derdhet nga te tre hidrocentralet eshte rritur ndjeshem krahasuar me nje dite me pare, dhe kjo ka shkaktuar permbytje te reja ne Nenshkoder. Ne Fierze po shkarkohet 500 meter kub uje ne sekonde, nga 400 qe eshte shkarkuar nje dite me pare. Ne Koman, derdhjet e ujit jane rritur ne 1700 meter kub uje ne sekonde, ndersa ne Vaun e Dejes 1400 meter kub ne sekonde.

Berisha, nuk ka vend per panik

K/ministri Berisha tha se ''..digat janë të sigurta dhe paniku i përhapur për çarjen e tyre është bërë nga njerëz të pamoralshëm''.
Sipas tij,"Sistemi i digave është në sigurinë më të plotë dhe u kujtoj atyre që përhapin panic se shkarkimet e deritanishme, edhe ato më kulmoret nuk janë as gjysma e më kulmoreve të 2004-ës".

HermesNews - ©2009

Dërgo me email | Stampo artikullin | Artikulli është lexuar 428 here